VIDEO/ Dha koncertin e parë pas arrestimin, Justin Timberlake përlotet në skenë: Ka qenë një javë e vështirë...

Justin Timberlake

SHBA- Këngëtari Justin Timberlake dha koncertin e tij të parë që nga arrestimi ku u kap në timon në gjendje të dehur. Justin nisi duke i thënë turmës se kishte qenë një javë e vështirë për të.

Ylli amerikan është aktualisht në turneun e tij botëror "Forget Tomorrow" dhe performoi në Çikago të premten mbrëma pasi u arrestua në fillim të kësaj jave.

Ai i tha turmës që brohoriste: Ne kemi qenë së bashku në ulje-ngritje, majtas dhe djathtas. Ka qenë një javë e vështirë, por ju jeni këtu dhe unë jam këtu, dhe asgjë nuk mund ta ndryshojë këtë moment tani.

Timberlake ndodhej në Long Island në shtetin e Nju Jorkut kur u arrestua nga policia në orët e para të së martës. Justin u mbajt gjatë natës dhe u akuzua zyrtarisht për një kundërvajtje në Gjykatën e Drejtësisë të fshatit Sag Harbor të martën në mëngjes përpara se të lirohej.

Një burim deklaroi se gjatë arrestimit, Timberlake tha i frikësuar: Kjo do të prishë turneun.

Timberlake, i cili u bë i famshëm me grupin NSYNC përpara se të gjente sukses të madh si artist solo me hitet si ‘Like I Love You’, ‘Cry Me A River’, ‘SexyBack’ dhe ‘Mirrors’, do të performojë sërish në Çikago të shtunën mbrëma.

justin timberlake