Revolta studentore është rikthyer edhe në qytetin bregdetar, ku studentët e Universitetit të Durrësit kanë bojkotuar më...
SOCIALE
Vrau drejtoreshën e fotografisë dhe plagosi regjisorin aksidentalisht/ Publikohet traileri i filmit 'Rust' pas 4 vitesh, xhirimet e të cilit ishin tragjike
m.lPërditësimi i fundit 26 Mars 2025, 20:24
SHBA- Është publikuar traileri i filmit “Rust”, western-i ku luan Alec Baldwin. Xhirimet e filmit morën një kthesë tragjike kur arma që mbante aktori 66-vjeçar shpërtheu në tetor 2021, duke vrarë drejtoreshën e fotografisë, Halina Hutchins. Në aksident ka mbetur i plagosur regjisori Joel Souza.
Baldwin ishte në gjyq për vrasje të pavullnetshme në vdekjen e Hutchins, por akuzat kundër aktorit u hoqën korrikun e kaluar. Në të njëjtën kohë, oficerja e armëve në shesh, Hannah Gutierrez Reed, u dënua me 18 muaj burg për vrasje të pavullnetshme për mbushjen e armës së Baldwin me municion të vërtetë.
Aktori i njohur kishte deklaruar se nuk donte ta shihte filmin të përfunduar.
"Unë nuk e kam parë filmin. Vetëm sepse kjo është padyshim gjëja më e vështirë me të cilën jam përballur ndonjëherë në jetën time. Përtej vetë viktimave, ajo që më lëndon më shumë është ajo që ai i bëri gruas sime. Gruaja ime ishte shumë, shumë e traumatizuar nga kjo. Kishte shumë dhimbje," tha ai për Variety.
Në përmbledhjen zyrtare të filmit thuhet: "I vendosur në Kansasin e viteve 1880, filmi ndjek jetimin Lucas McCallister, i cili aksidentalisht vret një fermer dhe dënohet me varje.
Pra, të arratisurit duhet t'i shmangen Marshallit të vendosur të SHBA-së, Wood Helm dhe një gjahtari të pamëshirshëm, u shfaq premierë në festivalin e filmit EnergaCamerImage në nëntor 2024.
