Edi Rama foli për rreth 70 minuta në Facebook për Besën, Pasqyrën dhe dialogun me qytetarët. Një fjalim i gjatë, i nd&...
INVESTIGIME
Kontrata fiktive apartamentesh dhe mashtrime mijëra euro me klientët, ndërtuesi problematik dhunë e ofendimeve ndaj Piranjave: I mashtroj se më do k***, ikni se do ju q* robt!
I.APërditësimi i fundit 10 Maj 2024, 20:51
Alfred Beqaraj
TIRANË- Në një kohë kur sektori i ndërtimeve ka marrë një hov të madh në kryeqytet, ka edhe nga ata ndërtues të cilët përmes skemave të ndryshme të mashtrimit, janë të fokusuar vetëm te vjelja e parave nga qytetarët, ndërsa këta të fundit pa problem mund të qendrojnë në mes të katër rrugëve.
Shembulli më konkret është sipërmarrësi Alfred Beqaraj, me funksion administrator i kompanisë së ndërtimit S&S Construction sh.pk., qëllimi i të cilit mesa duket është të gjejë blerës që ndoshta nuk janë mjaftueshëm të informuar sa i takon procedurave ligjore për blerjen e një apartamenti, apo dhe për personin që kanë përballë dhe kështu padashur bien në grackën e tij. Beqaraj, me një historik problematik në aktivitetin e tij të ndërtimit që prej vitit 2014 si debitor, ka vijuar të nënshkruajë kontrata porosie me blerës të ndryshëm, edhe pse ligjërisht nuk mund të shesë asnjë apartament, për arsye të bllokimit nga Drejtoria e Tatimeve dhe disa shoqëri përmbarimore të të gjitha aseteve dhe aksioneve që disponon.
Një nga viktimat e Alfredit është Fatimja, e cila në fund të muajit tetor 2019 nënshkroi një kontratë me këtë sipërmarrës, për blerjen e një apartamenti në zonën e Freskut, i cili sipas kontratës do të përfundonte për 12 muaj, por pa ditur që ai apartament nuk do të përfundonte edhe sot kur kanë kaluar 4 vite e gjysmë, për shkak të problemeve ligjore që z.Beqaraj ka si përfaqësues i kompanisë S&S Construction. Për apartamentin me vlerë 59 mijë euro, Fatimja ka paguar më shumë se 40 mijë euro, të faktuara me dokumente, por nuk ka marrë as çelësat e shtëpisë dhe as paratë e saj. Premtimet se një ditë do të futet në shtëpi me familjen, nisën në fund të vitit 2020 dhe vijojnë edhe sot nga Alfredi, ndërsa arsyen se pse ka ndodhur kjo vonesë, nuk ia ka dhënë kurrë.
“Gjatë kësaj kohe na ka mashtuar, na ka gënjyer, na ka thënë mbaron këtë vit, mbaron këtë muaj, këtë verë do hyni. E kemi marrë shumë here në telefon, i kemi shkruajtur shumë herë, por zotëria as nuk kthen përgjigje as nuk hap telefonin. Shumë herë na ka lanë në pritje sa herë i kemi shkuar te shtëpia dhe s’ka qenë present, na gënjente prapë po vi po vi, fikte telefonin, thoshte nuk jam në Tiranë, ndodhem në Greqi ndodhem në Romë më ka vdekur nëna më ka vdekur kunati, gjyshja i ka vdekur mbi 15 herë zotërisë.”, tha ajo.
Në kushtet kur Alfredi i shmangej çiftit të blerësve prej shumë vitesh, gazetari Freard Rista ndërmori misionin e “vështirë” për ta gjetur vetë ndërtuesin “fantazmë”. Ky i fundit sapo dëgjoi fjalën “Piranja” u transformua menjëherë duke nisur një lumë ofendimesh ndaj stafit, dhuna nuk mungoi. Pavarësisht përpjekjeve të gazetarit për të marrë përgjigje lidhur me rastin e zonjës Fatime, Alfredi ishte i fokusuar vetëm te përplasja fizike, si dhe të nxirrte në pah sjelljen dhe komunikimin e tij mjaft demokratik, i pasuar nga një repertor i pasur sharjesh vulgare.
I mërzitur nga takimi me “Piranjat”, ndërtuesi mori në këmbën rrugën e fshatit Arbanë, ndërsa ne pyesin: A është Fatimja e vetmja viktimë e tij?!
