Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
INVESTIGIME
Transporti urban në Tiranë jashtë çdo standarti, mjete të amortizuara dhe kushte minimale për punonjësit
PiranjatPërditësimi i fundit 21 Prill 2023, 21:14
Në kryeqytet operojnë disa linja të transportin urban, por megjithatë kushtet e standardet për disa prej tyre, lënë për të dëshiruar. Situata paraqitet me probleme të mëdha në linjat që shkojnë deri në periferi të Tiranës.
Transporti urban në Tiranë, është një problem real dhe i pazgjidhur në kryeqytetin tonë. Nuk janë të pakta videot e shpërndara në rrjetet sociale ku pedofilë bëjnë veprime të turpshme në mes të udhëtarëve, ka vjedhje apo shoferët e fatorinot kanë një fjalor të larmishëm banal. Pa harruar aksidentet e shpeshta që kanë ndodhur në muajt e fundit, ku fatmirësisht nuk ka patur fatalitete.
‘Piranjat’ kanë dalë për të vëzhguar dhe parë realisht situatën e autobusëve në kryeqytet. Gjatë vëzhgimit tonë kupton shumë qartë problemet që tregojnë dhe shoferët vetë. ‘Janë autobusë që i kanë kaluar kilometrat e tyre, janë amortizuar, por çfarë të bëjmë duhet të punojmë. Kanë shumë probleme autobusët tanë, janë jashtë standarteve. Gomat janë të konsumuara. Ata në fakt që kur vijnë në Shqipëri janë me problem, i kanë plotësuar kilometrat që kur janë jashtë. Prandaj ndodhin dhe aksidente’, kanë deklaruar shoferët njëzëri.
Dy shoferët e autobuzeve që folën punojnë ne linjat urbane te Tiranës, pa zbuluar identitetin e tyre, zgjodhën të zbardhin disa të vërteta për kolapsin që ka përfshirë këtë sektor. Një kolaps, që vjen, jo vetëm për shkak të mbingarkesës, apo kushteve skandaloze të disa prej linjave, por edhe nga problemet e shumta teknike të mjeteve, që kanë sjellë aksidente dhe incidente të shpeshta.
‘Piranjat’ pasi provuan një eksperiencë me të cilën qindra qytetarë të Tiranes përballen thuajse çdo ditë, konstatuan nga afër se si problemet teknike të mjeteve janë nga më të ndryshmet. Një shofer hidhte ujë autobusit sepse nga kilometrat e tepërta nxehet shumë dhe duhet të pushojë. Por a bëhen kontrolle te këta autobusë? ‘Bëhen, por normalisht manipulohen siç ndodh këtu. Mbyllet një sy dhe kaq. Skemë korruptive si në Shqipëri’, deklaron shkurtimisht një nga drejtuesit e autobusëve në kryeqytet.
Pagesat që marrin këta punonjës janë shumë të vogla. Ata kanë vështirësi të shtyejn muajin dhe nuk janë aspak të kënaqur me kushtet e punës. Diçka e tillë sjell dhe problemet me shërbimin dhe harbutërinë që karakterizon punonjësit e këtyre urbanëve.
