Kanë përfunduar fjalimet e aktivistëve dhe qytetarëve përpara godinës së Kryeministrisë, ndërsa protesta qytetare k...
KOSOVA
Kërkon t’i shpëtojë burgut/ Vrasja e Liridonës, psikiatri i prish planin: Naim Murseli nuk ka probleme të shëndetit mendor
PiranjatPërditësimi i fundit 22 Shtator 2025, 10:56
Në Gjykatën Themelore në Prishtinë ka nisur seanca e radhës për vrasjen e Liridona Ademajt, ndaj të akuzuarve Naim Murseli, Granit Plava, Kushtrim Kokalla.
Në këtë seancë ka nisur të dëshmojë, ish-drejtori i Psikiatrisë Forenzike, Shpend Haxhibeqiri. Sipas aktakuzës thuhet se Murseli, Plava dhe Kokalla ishin dakordësuar paraprakisht që vrasja të kryhej nga i akuzuari Plava me marrëveshje që Murseli t’i paguante atij 30 mijë euro.
I gjithë plani për vrasjen e Liridonës, thuhet se u bë nga bashkëshorti i saj, tani i akuzuari Naim Murseli, si pasojë e çrregullimit të raporteve familjare e martesore, ku edhe lindi dëshira e tij për hakmarrje.
Ish-drejtori i Klinikës së Psikiatrisë Forenzike, Shpend Haxhibeqiri, ka nisur dëshminë e tij në seancës për rastin e Liridona Ademaj.
Naim Murselit, i akuzuar për vrasjen e Liridona Ademaj, i ishte bërë ekzaminimi psikiatrit javë më parë në Klinikën e Psikiatrisë Forenzike. Sipas raportit nuk është konstatuar asnjë çrregullim mendor tek i akuzuari.
Haxhibeqiri në dëshminë e tij u shpreh se në çregullimin afatgjatë prej fëmijë e deri tani nuk është shfaqur asnjë element që do ta mundësojë ndonjë problem dhe afatshkurtër është pjesa prej momentit të arrestimit deri tek ekzaminimit.
“Qëndrimi i Murselit ka qenë koherent karshi gjendjes e situatës në të cilën ndodhej. Gjendja koherente do të thotë me e marrë për bazë të gjitha çështjet. Murseli ka qëndruar pa ndonjë telashe gjatë ekzaminimit edhe pse në momente për arsye të ngjarjes ka pasur ndërprerje”, ka shtuar ai.
