Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
KOSOVA
Kosova drejt zgjedhjeve të reja Parlamentare? - PDK: Kurti s’do të jetë më kryeministër
PiranjatPërditësimi i fundit 5 Tetor 2025, 10:57
Sekretarja e Përgjithshme e Partisë Demokratike të Kosovës, Vlora Çitaku, ka deklaruar në një intervistë, se shumë shpejt do të zhvillohen zgjedhje të reja dhe se Albin Kurti nuk do të jetë më kryeministër i Kosovës. Ajo ka theksuar se Kryeministri Kurti ka dështuar të krijojë një bashkëpunim të ngushtë me aleatët ndërkombëtarë, duke e vënë vendin në një situatë të pasigurt në negociatat me Serbinë.
Çitaku ka shtuar se ai ka bërë gabim që nuk është ulur për bisedime të sinqerta me partnerët ndërkombëtarë, ndërsa theksoi se Kosova ka arritur fitore të mëdha kur ka bashkëpunuar me aleatët e saj. Ajo përmendi se në Rambuje, Kosova fitoi lirinë dhe në procesin e Ahtisaarit fitoi pavarësinë, duke theksuar se negociatat reale për çështjet e Kosovës janë mes Kosovës dhe aleatëve të saj, jo vetëm me Serbinë.
"Kurti ka humbur mundësinë të tregojë udhëheqje të përgjegjshme. Në vend që të mbajë leksione të kota në universitete, ai do të duhej të kishte një qasje më serioze dhe të ulej për bisedime me aleatët tanë", u shpreh Çitaku.
Ajo gjithashtu ka theksuar se dialogu mes Kosovës dhe Serbisë ka humbur vlerën, për shkak të qasjes së Kryeministrit Kurti, duke paralajmëruar fundin e tij në pushtet dhe një periudhë të re politike për Kosovën.
