Numri i viktimave nga tërmetet e fuqishme që goditën Venezuelën më 24 qershor ka arritur në 5,278, sipas bilancit më të...
KOSOVA
Krijimi i Qeverisë së re/ Vjosa Osmani: Vonesa që po tenton Lista Serbe, dëmton interesat e të gjithë qytetarëve
PiranjatPërditësimi i fundit 20 Tetor 2025, 14:40
Presidentja e Kosovës, Vjosa Osmani, ka shprehur shqetësim për vonesat në krijimin e institucioneve të reja të shtetit, duke theksuar se kjo situatë po dëmton interesat e Kosovës. Ajo nënvizoi se vonesat e krijuara nga Lista Serbe janë veçanërisht të dëmshme për qytetarët e të gjitha komuniteteve, përfshirë serbët që jetojnë në Kosovë.
"Ka pasur vonesa të jashtëzakonshme në krijimin e institucioneve, dhe besoj që ky është një tjetër tentim për vonesa që e kanë dëmtuar interesin e Kosovës. Është në interes të Kosovës që të kemi një qeveri me mandat të plotë," tha Osmani.
Presidentja shtoi se krijimi i qeverisë varet nga formimi i koalicioneve politike, por theksoi se ky proces është ngadalësuar për shkak të përpjekjeve të Listës Serbe për të krijuar vonesa. "Vonesa që po tentohet të krijohet nga Lista Serbe i dëmton jo vetëm interesat e Kosovës, por edhe të gjithë qytetarëve, përfshirë serbët që jetojnë në Kosovë," shtoi ajo.
Osmani gjithashtu tha ndër të tjera, se nuk mund të supozojë se cilat do të jenë vendimet e Gjykatës Kushtetuese lidhur me kërkesën e Listës Serbe.
