Drejtori i Hekurudhës Shqiptare Ergys Verdho është paraqitur këtë të premte në Prokurorinë e Posaçme.
Deri m&e...
KOSOVA
Rezultati i zgjedhjeve, Kurti: Lëvizjen tonë se ndali bashkimi i të gjithë kundërshtarëve
PiranjatPërditësimi i fundit 10 Nëntor 2025, 11:32
Kryeministri në detyrë i Kosovës reagoi pas rezultatit të zgjedhjeve lokale në 18 komuna ku partia e tij, Vetëvendosje fitoi shtatë prej tyre dhe mund të fitojë edhe Vitinë pasi rezultati është tejet i ngushtë. Kurti, falënderoi të gjithë qytetarët për pjesëmarrjen në votim.
Me anë të një postimi në Facebook, Kurti u shpreh se “Lëvizjen tonë s’e ndali dot as bashkimi i të gjithë kundërshtarëve”.
“Tash do të qeverisim në shtatë komuna të Republikës, pra më shumë se kurdoherë më parë. Lëvizjen tonë s’e ndali dot as bashkimi i të gjithë kundërshtarëve. Ju falemnderit çdonjërit për angazhimin. Na presin shumë punë e sfida, që do të thotë se para nesh ndodhen shumë suksese e fitore”, shkruan Kurti ne Facebook.
Reagimi i Albin Kurtit
Të dashur qytetarë të Kosovës,
Ju falemnderit për pjesëmarrje në balotazhin e djeshëm të gjithë juve që e ushtruat të drejtën e votës. Treguat vullnet dhe pjekuri, i kontribuat demokracisë në Kosovë dhe orientimit të politikave publike në komunat tuaja. Mbajeni përgjegjës tani secilin kryetar për premtimet e dhëna dhe gjendjen në qytete e fshatra.
Të dashur aktivistë të VETËVENDOSJE!-s,
Tash do të qeverisim në shtatë komuna të Republikës, pra më shumë se kurdoherë më parë. Lëvizjen tonë s’e ndali dot as bashkimi i të gjithë kundërshtarëve. Ju falemnderit çdonjërit për angazhimin. Na presin shumë punë e sfida, që do të thotë se para nesh ndodhen shumë suksese e fitore.
