Protestuesit janë pozicionuar tek Ministria e Arsimit, pasi qëndruan paqësisht për më shumë se dy orë para kryeministris&eu...
KOSOVA
Shanci i fundit i Albin Kurtit, Kuvendi mblidhet të dielën për Qeverinë e re të Kosovës
PiranjatPërditësimi i fundit 24 Tetor 2025, 15:46
Kuvendi i Kosovës pritet të mblidhet ditën e diellë, më 26 Tetor, për zgjedhjen e qeverisë së re. Kryeministrit Albin Kurti i kanë mbetur dhe dy ditë dhe nuk dihet nëse ai do të bëjë koalicion apo do shkojë në zgjedhje të reja, sepse Vetëvendosja nuk i ka numrat.
Siç raportojnë mediat në Kosovë, mbledhja e Kuvendit do të ndodhë në orën 10:00 të së dielës, datë 26 Tetor. Kreu i Lëvizjes Vetëvendosje si fitues i zgjedhjeve të 9 shkurtit, ka marrë mandatin nga presidentja Vjosa Osmani, për formimin e Qeverisë së re të Kosovës, megjithatë, më 21 tetor, Albin Kurti la të kuptohet se LVV-ja mund të dështojë në formimin e ekzekutivit.
"[...] jemi ku jemi dhe do të përpiqemi ta bëjmë Qeverinë. Por, siç duket, alternativa është se do të shkojmë në zgjedhje prapë", është shprehur Albin Kurti tre ditë më parë.
Presidentja Vjosa Osmani e mandatoi Kurtin për formimin e Qeverisë më 11 tetor dhe ai ka afat deri më 26 tetor që të paraqesë para Kuvendit përbërjen e re qeveritare dhe të kërkojë mbështetje për të. Vetëvendosje vet nuk i ka numrat, por mësohet se ka zhvilluar bisedime dhe me opozitarët.
Ajo ka 48 deputetë në Kuvendin prej 120 ulësesh dhe vetë Vetëvendosja më herët ka përjashtuar mundësinë e bashkëpunimit për formimin e Qeverisë, me Partinë Demokratike të Kosovës dhe Listën Serbe. Në rast se Albin Kurti si kryeministër dhe i mandatuar për qeverinë e re nuk i mbledh dot 61 vota, presidentja Vjosa Osmani ka detyrë që brenda dhjetë ditësh t’i ftojë partitë për konsultime dhe të vendosë për mandatarin që ka shanset më të mëdha për të formuar Qeverinë.
Nëse as pas përpjekjes së dytë Qeveria nuk mund të formohet, presidentja Vjosa Osmani sipas Kushtetutës, duhet të shpallë zgjedhje të reja, të cilat duhet të mbahen brenda 40 ditësh.
