Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
KOSOVA
Sot skadon afati kushtetues, Kurti: Po bëjmë përpjekje maksimale për të zgjedhur Presidentin
PiranjatPërditësimi i fundit 28 Prill 2026, 10:34
Kryeministri i Kosovës, Albin Kurti ka deklaruar për gazetarët përpara se të hynte në Kuvend se po bëjnë përpjekje maksimale për Presidentin e ri, ndërsa afati kushtetues për zgjedhjen e kreut të ri të shtetit skadon sot.
Ai tha se opozita duhet të jetë prezente në seancë pasi e ka detyrim kushtetues. Kurti u pyet sërish edhe nëse do të përkrahë kandidaturën e mundshme të Vjosa Osmanit, por refuzoi që të përgjigjej.
“Jemi dukë bërë përpjekje maksimale, po e shohim a po vinë deputetët e opozitës që e kanë obligim kushtetues të vinë dhe të marrin pjesë”, tha ai.
Sot, 28 prill, përfundon afati kushtetues për zgjedhjen e presidentit. Në rast moszgjedhjeje të presidentit deri në mesnatë, Kosova do të përballet me zgjedhje të reja parlamentare. Sot vijon seanca e nisur të hënën, ku Lëvizja Vetëvendosje propozoi dy kandidate Feride Rushitin dhe Hatixhe Hoxhën.
Paraprakisht, kandidatët e seancës së 5 marsit, Konjufca dhe Mulhaxha u tërhoqën nga gara. Rushiti mori 63 vota në raundin e parë, ndërsa Hoxha asnjë votë. Partitë opozitare që bojkotuan mbledhjen, kritikuan pushtetin që ka nisur seancën pa praninë e 80 deputetëve, duke e cilësuar si shkelje kushtetuese.
