Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
KOSOVA
U shkarkua nga detyra pasi dyshohej si përdorues i lëndëve narkotike, kolegët i dalin në mbrojtje të mjekut neurolog
PiranjatPërditësimi i fundit 12 Tetor 2025, 16:05
Pas publikimit të një videoje ku dyshohet se profesori i mjohur i neurologjisë, Igor Kuzmanovski, shfaqet duke konsumuar lëndë narkotike, kolegët e tij nga Klinika e Neurologjisë kanë reaguar publikisht përmes një letre mbështetëse.
Në deklaratën e tyre, ata shprehin shqetësimin për ndikimin që ky material mund të ketë në reputacionin personal dhe profesional të profesorit Kuzmanovski, duke e konsideruar atë si një përpjekje për diskreditim të personalitetit të tij.
“Ne, kolegët e tij, shprehim mbështetjen tonë profesionale dhe njerëzore për Prof. Dr. Kuzmanovskin, i cili gjatë menaxhimit të tij afatgjatë të klinikës, nga viti 2012 deri në vitin 2017, e rinovoi plotësisht klinikën, prezantoi disa metoda diagnostikuese dhe procedura inovative terapeutike. Në punën e tij të përditshme me pacientët dhe në komunikimin me kolegët, gjithmonë sillej me profesionalizmin, përgjegjësinë dhe përkushtimin më të lartë etik.
Në asnjë moment nuk është vërejtur sjellje që do të ishte e papërshtatshme, e pamatur ose në kundërshtim me standardet profesionale. Madje edhe në situata kur shfaqen dyshime ose diskutime publike për veprime që mund të interpretohen si në kundërshtim me parimet morale dhe etike të profesionit mjekësor, funksionimi i tij profesional mbetet i palëkundur, i udhëhequr nga integriteti dhe kujdesi për pacientët. Në frymën e etikës mjekësore dhe dinjitetit njerëzor, konsiderojmë se çdo individ, veçanërisht në momentet e ekspozimit publik dhe cenueshmërisë personale, meriton mbështetje, mirëkuptim dhe ndihmë të përshtatshme psikosociale. Në vend të dënimit, është e nevojshme të inkurajohet dhembshuria – jo vetëm ndaj profesionistit, por edhe ndaj familjes së tij, e cila përballet pafajësisht me pasojat e reagimit publik.
Me këtë letër, apelojmë për përmbajtje në diskursin publik, për respekt të dinjitetit njerëzor dhe për mbështetje që është në përputhje me vlerat e komunitetit mjekësor dhe shoqërisë në tërësi”, theksohet në letrën e mbështetjes për Prof. Dr. Kuzmanovskin nga kolegët e Klinikës së Neurologjisë.
