Ditën e premte vendi ynë do të jetë në ndikim të masave ajrore relativisht të paqëndrueshme.
Moti parashikohet të...
KOSOVA
Vjosa Osmani: Anëtarësimi në NATO më urgjent se në BE, Kosova i plotëson kriteret
PiranjatPërditësimi i fundit 17 Nëntor 2025, 07:50
Presidentja e Kosovës, Vjosa Osmani, në një deklaratë për mediat në Belrin theksoi se për Kosovën anëtarësimi në NATO është shumë më i rëndësishëm dhe më urgjent sesa integrimi në Bashkimin Evropian.
Osmani shton se anëtarësimi i Kosovës në NATO, krijon më shumë siguri në vend.
“NATO-n e shoh më urgjente sesa integrimin evropian. BE-ja do të marrë kohë, edhe pasi të marrim statusin e vendit kandidat. Besoj se NATO është më e rëndësishme për rajonin në këtë moment. Për ne, të jemi në NATO do të thotë të jemi të sigurt”, është shprehur Osmani.
Ajo ka theksuar se Rusia ka plane dhe interesa afatgjata për destabilizimin e Ballkanit, duke ngritur nevojën për një prani më të fortë të aleancës veri-atlantike në rajon.
“Besoj se është në interesin strategjik të NATO-s të zgjerohet edhe në Ballkanin Perëndimor, sidomos në Kosovë e Bosnje”, ka thënë presidentja.
Osmani është shprehur e bindur se Kosova tashmë i përmbush kriteret bazë për t’u bërë pjesë e NATO-s.
“Ushtria jonë është ndërtuar dhe trajnuar sipas standardeve të NATO-s. Ka shumë ndërveprim që tashmë zhvillohet. Ne tashmë shpenzojmë më shumë se 2% të buxhetit për mbrojtje, që është kriter i NATO-s. Brenda katër viteve planifikojmë ta dyfishojmë buxhetin për mbrojtje dhe të arrijmë shpenzime deri në 4% të GDP-së”, ka theksuar Osmani.
Presidentja nënvizoi se anëtarësimi në NATO do të ishte garanci jetike për sigurinë e Kosovës dhe stabilitetin e rajonit.
