Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
KOSOVA
Vuçiç për 'Komunalet' në Kosovë: Pjesëmarrja e serbëve në votim, është më lartë se ajo e shqiptarëve
PiranjatPërditësimi i fundit 12 Tetor 2025, 13:06
Presidenti i Serbisë, Aleksandër Vuçiç, ka deklaruar se, sipas të dhënave të deritanishme, pjesëmarrja e qytetarëve serbë në zgjedhjet lokale të 12 tetorit në Kosovë ka qenë më e lartë se ajo e shqiptarëve.
“Deri në orën 10:00, pjesëmarrja ishte më e madhe në mjediset serbe sesa në ato shqiptare. Shpresoj në fitoren e Listës Serbe dhe që një pjesë e pushtetit të mund të kthehet në duart e saj”, u shpreh Vuçiç në një deklaratë për gazetarët në Beograd.
Ai shtoi se shqiptarët janë “të nervozuar” për shkak të, siç tha ai, “pjesëmarrjes së madhe të serbëve në zgjedhje”, në komunat me shumicë serbe në Kosovë.
Në vijim të deklaratës, presidenti serb i referohet edhe fitores së Shqipërisë në ndeshjen kundër Serbisë në Leskovac, duke e lidhur me atmosferën në Kosovë.
“Shqiptarët, nga Tirana dhe Prishtina deri në Preshevë e Bujanoc, janë dehur pas fitores së mbrëmshme. Do të doja që sonte të ketë një festë më të rëndësishme në komunitetet serbe në Kosovë, krahasuar me atë festë të mbrëmshme”, tha ai.
Zgjedhjet lokale në Kosovë po mbahen për kryetarë komunash dhe përfaqësues të kuvendeve komunale. Sipas Komisionit Qendror të Zgjedhjeve, pjesëmarrja deri në orën 11:00 ka qenë 7.84%, me gjithsej 158,691 votues, nga 2,069,098 qytetarë me të drejtë vote brenda Kosovës. Sipas KQZ-së, rreth 44 mijë votues janë të regjistruar për të votuar nga jashtë vendit.
