Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
POLITIKE
“14 Maji”/ KAS hap 5 kuti, rinumërohen votat për Këshillin Bashkiak të Pukës
PiranjatPërditësimi i fundit 25 Maj 2023, 09:18
TIRANE- Ditën e sotme Komisioni i Ankimimeve dhe Sanksioneve në KQZ shqyrtoi dy kërkesa ankimore të bëra njëra nga Partia Aleanca Demokristiane e Shqipërisë dhe tjetra nga Partinë Aleanca Progresiste LZHK. Ato kundërshtonin rezultatin e nxjerrë nga KZAZ-ja për Këshillin Bashkiak duke kërkuar hapjen e kutive dhe rinuëmrimin e votave.
KAS i pranoi provat dhe vendosi të hapë kutitë.
Në kutinë e parë, Partia Republikane kishte dalë me zero vota, por u gjetën 64 vota të vlefshme. Ndërsa PDIU që kishte marrë 64 vota nga KZAZ, nuk iu gjet asnjë e vlefshme.
Në kutinë e dytë, PD nga 3 vota të miratuara nga KZAZ, iu gjetën vetëm 2 vota të vlefshme, FRD nga 7 vota iu gjetën vetëm 3 vota, ALD-së nga 51 vota të miratuara nga KZAZ, iu gjetën 52 vota, PSD-së nga 83 vota të miratuara nga KZAZ, iu gjetën 82 vota.
Në kutinë e tretë nga 21 vota të pavlefshme të miratuara nga KZAZ, u gjetën 22 të tilla ndërsa PSD-ja që kishte dalë me 190 vota iu gjetën vetëm 118 vota.
Në kutinë e katërt nuk kishte ndryshime ndërsa në kutinë e pestë, PSD-ja që kishte marrë 15 vota iu gjetën vetëm 14, PD-së nga 70 vota iu gjetën 71 vota.
KAS vendosi pranimin e pjesshëm të kërkesës dhe korrigjimin e Tabelës Përmbledhëse të Rezultatit për këshillin e bashkisë Pukë sipas gjetjeve të dala nga këqyrja e fletëve të votimit të bërë nga KAS. KAS rrëzoi kërkesën e Partisë Aleanca Demokristiane e Shqipërisë për të rezultatin e zgjedhjeve për këshillin bashkiak në Përmet.
