17-vjetori i pavarësisë/ Qeveria e Kosovës mban mbledhje festive, Kurti: Kushtetua është e re, por kultura jonë është e një populli të lashtë e autokton

KOSOVA- Qeveria e Kosovës ka mbajtur sot mbledhje festive me rastin e 17 vjetorit të shpalljes së pavarësisë. Kryeministri i Kosovës Albin Kurti në fjalën e tij para kabinetit qeverisës tha se teksa festojnë, kujtojnë me krenari rrugëtimin e gjatë drejt lirisë dhe pavarësisë. 

Ai ka shtuar se liria për të cilën kanë sakrifikuar kaq shumë kërkon demokraci e demokracia kërkon institucione të forta. Kurti theksoi se suksesi i tyre është dëshmi që kanë punuar në përputhje me amanetin e idealin e dëshmorëve të kombit dhe në përputhje me të drejtat e popullit, dëshirat e rinisë dhe ëndrrat e fëmijëve.

“Kushtetua jonë vërtetë është e re, por kultura jonë është e një populli të lashtë e autokton e rrënjosur thellë në historinë tonë të lavdishme. Ne sot nderojmë të gjithë ata që sakrifikuan dhe u flijuan për lirinë tonë.

Institucione të forta që mbrojnë sundimin e ligjit, garantojnë zgjedhje të lira te të ndershme dhe sigurojnë që pushteti u shërben qytetarëve. Urime e gëzuar dita e pavarësisë. Rroftë Republika jonë”, tha Kurti.

kosova