"A e ka deklaruar Rama operacionin e djalit të tij?", Kryemadhi: Karma is a bitch, nuk kam kryer asnjë operacion plastik

monika kryemadhi

TIRANË- Deputetja e PL-së, Monika Kryemadhi ka zhvilluar sot një konferencë për mediat ku ka folur për arrestimin e ish-bashkëshortit të saj, Ilir Metës dhe masën e sigurisë të caktuar nga GJKKO ndaj saj.

Teksa po fliste për operacionet e saj të përmendura në dosjen e SPAK, Kryemadhi tha se "Karma is a bitch", ku përmedni edhe operacionin e djalit të Edi Ramës. Ajo ngriti pyetjen nëse SPAK e ka investiguar këtë operacion.

Kryemadhi theksoi sërish se nuk ka bërë asnjë operacion plastik, ndërsa përmendi edhe akuzat ndaj mamasë së saj për blerjen e banesës 310 mijë euro. 

"Ilir Meta nuk ka paguar asnjëherë asnjë shishe ujë. Edhe rrogën e tij në bankë e kam tërhequr. Ilir Meta është marrë vetëm me politikë. Por të kenë parasysh diçka të gjithë "Karma is a bitch". Të më fali shumë Matilda Makoçi, Gregor Rama dhe Edi Rama, a e ka investiguar SPAK se sa kanë paguar për djalin nga operacionet me kancer? A e ka hetuar SPAK këtë operacion? Nxjerr SPAK operacionet e fëmijës tim dhe operacionit tim të mitrës. Nuk kam bërë asnjë operacion plastik. Kam bërë një mbajtje të vetes sime si grua, vajzë. Pafytyrësia më e madhe e kësaj deklarate tregon haptazi që kanë qëllim politik.   Akuzojnë mamanë time se ka blerë shtëpi 310 mijë euro. Po e ka blerë. Por mamaja ime nuk ka ardhur në Tiranë në 2013, por në 1953. Mamaja ime ka qenë mjeke. Mamaja ime ka qenë në një zyrë me Valentina Leskajn. Mamaja ime ka qenë kryetare e gruas së Tiranës. Këta të gjithë janë milionerë me biznese, mamaja ime nuk blinte dot një shtëpi,  bizneset janë të gjitha të dokumentuara, edhe me tatime të paguara. Nuk po merrem me gjërat e tjera politike, sepse ekipi i avokatëve e do merren seriozisht me këtë gjë, unë do merrem politikisht. Monika Kryemadhi dhe Ilir Meta i kanë arritur të gjitha vetë, nuk kanë shpirtin, trupin për të qenë në duart e një grupi xhelat kriminal.", tha Kryemadhi. 

monika kryemadhi