Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
POLITIKE
A po e shqyrton qeveria “gjendjen e jashtëzakonshme” pas 1 jave me trazira?
PiranjatPërditësimi i fundit 19 Tetor 2026, 23:43
Pas një jave të tensionuar, të shoqëruar me protesta të dhunshme dhe përplasje mes protestuesve dhe policisë në Tiranë, gazetari Blendi Fevziu e pyeti socialistin Arbjan Mazniku nëse është diskutuar mundësia e shpalljes së gjendjes së jashtëzakonshme.
Mazniku theksoi se një vendim i tillë merret nga Parlamenti, me kërkesë të forcave që kanë për detyrë zbatimin e ligjit, por nënvizoi se një skenar i tillë nuk është në diskutim.
Ai bëri thirrje për qetësimin e situatës dhe shmangien e dhunës ndaj institucioneve dhe policisë.
– A është diskutuar gjendja e jashtëzakonshme në Tiranë?
Mazniku: Unë besoj që është një vendim që merret nga forcat që merren me këtë punë.
– Kush e merr këtë vendim?
Mazniku: E merr Parlamenti, pasi e kërkojnë forcat që kanë detyrë të zbatojnë ligjin. Policia, ama, në një rast hipotetik. Nuk është fare ky diskutim! Kemi detyrë të gjithë bashkë të qetësojmë situatën dhe të kërkojmë që të mos ketë dhunë ndaj institucioneve dhe policisë. Kështu nuk ka për të pasur dhunë ndaj askujt. Policia gjithmonë do të reagojë vetëm në mënyrë proporcionale…
– E përballon dot?
Mazniku: Padyshim po! Kjo është situata që po menaxhojmë, policia po bën më të mirën e vet. Do të sigurohemi që kjo situatë të kalojë me sa më pak probleme për Shqipërinë.
