Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
“A shkoni dot sot në Shkodër?”, Balliu: Vetëm kur e mbështet qeveria karteli bëhet i fuqishëm
PiranjatPërditësimi i fundit 8 Shtator 2025, 21:08
Klevis Balliu fajëson drejtpërdrejt shtetin për situatën e rendit në vend, nisur nga ngjarja e fundit në Shkodër, ku dy persona u vranë dhe 2 të tjerë mbetën të plagosur si pasojë e një atentati me armë në ambientet e një lokali.
I ftuar në “Off the Record” në A2 CNN, demokrati Balliu u shpreh se bandat kanë marrëveshje me qeverinë dhe kjo është e vetmja arsye përse janë fuqizuar.
“Situata i ka shpëtuar shqiptarëve, Rama i ka të gjitha në kontroll. Nëse do të kishim një shtet, sot këto raste nuk do t’i shihnim. Ne shohim 6000 forca në një televizion. Nuk është vetëm Shkodra. Kjo ka ndodhur në Memaliaj, në Don Bosko. Po hanë kokat e shqiptarëve. Si mund të mos ketë reagim. Janë fëmijët e pasigurt.
A shkoni dot në Shkodër për të pirë një kafë. Ai është vëllai i Denisit që merrte porosi nga Pëllumb Gjoka që Rama e shpalli investitor strategjik. Qeveria është në orar të punës me kriminelët e vet. Nëse qeveria do, në një vend kaq të vogël, këta zhduken si minj.
Bandat nuk kanë trimëri, largohen si minj. Kur një kartel ka mbështetjen e qeverisë bëhet i fuqishëm. Këtë e liruan nuk iu duk i rrezikshëm. Metën dhe Berishën i mbajtën në arrest. Burgjet i kontrollon mafia”, tha Balliu për gazetarin Andrea Danglli.
