Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
POLITIKE
Aktivisti: Procesi për McGonigal do të shkojë deri në fund, Rama në pozitë shumë të keqe me DASH
PiranjatPërditësimi i fundit 22 Shtator 2025, 21:21
Anëtari i kryesisë së organizatës shqiptare në Michigan ‘Vatra’ dhe aktivisti i diasporës shqiptare, Valentin Lumaj ka deklaruar në një intervistë për Syri TV se shmangia e kryeministrit Edi Rama nga Asambleja e Kombeve të Bashkuara në New York lidhet drejtëpërdrejtë me hapjen e dosjes së ish-zyrtarit të lartë amerikan, Charles McGonigal.
Lumaj tha se Departamenti i Shtetit ka nisur një hetim administrativ të kësaj dosjeje, dhe sipas tij, procesi është pjesë e presionit të administratës Trump për të ndjekur organizatat jofitimprurëse që kanë financuar terrorizmin në SHBA.
Lumaj: Une e mora vesh në rrjetet sociale për shmangien e ardhjes së zotit Rama në Asamblenë e Kombeve të Bashkuara në New York, dhe zëvendësimin në ardhjes së tij me presidentin Bajram Begaj.
Une mendoj se kjo ka lidhje direkt me hapjen e dosjes së Charles McGonigal. Dihet se Departamenti i Shtetit ka filluar një hetim substancial, një hetim administrativ të kësaj dosjeje. Kjo dosje, e cila u mbyll nga administrata Biden me dashje pasi McGonigal kishte mbështetje në atë administratë, vjen edhe në rrymen edhe në presionin e administratës Trump për të ndjekur të gjitha organizatat jofitimprurëse që kanë financuar terrorizmin dhe akte terroriste në Amerikë.
Kjo sigurisht ka lidhje edhe me George Soros, por une endoj se ka lidhje me fakte të reja ose me indicie të reja që kanë dalë jo vetëm për lidhje të McGonigal me Rusinë dhe Shqipërinë, por edhe me lidhjet dhe korrupsionin e tij të dyshuar me Kinën. Çështja kineze është një çëshje shumë e ndjeshme sot në realitetin amerikan, po diskutohet gjërë e gjatë, këtu ka lidhje vetë kryeministri Edi Rama i cili, nëpërmjet, mendohet Dorjan Duçkaj, ka krijuar lidhje me kompanitë kineze të Charles McGonigal.
Ky është një moment kyç, ndoshta është momenti i rënies së zotit Rama, pas ‘shkëlqimit’ që mori me mbështetjen nga Soros, dhe vetë Soros është nën lupën e presidentit Trump për të gjitha ato financime që ka bërë për organizata terroriste. Lajmi i keq për Edi Ramën është se ky proces do të shkojë deri në fund; sa do të vazhdojë, muaj apo vite, kjo do shihet, por une mendoj se Rama është në një pozite shumë të keqe me DASH.
