“Anglia më e pranishme në vendin tonë”, Rama: Projekt strategjik për hekurudhën Durrës-Prishtinë

Rama

TIRANË- Kryeministri Edi Rama ka deklaruar se Anglia është gjithnjë e më e pranishme në Ballkanin Perëndimor. Gjatë fjalës së tij në konferencën për media së bashku me Sekretarin e Jashtëm britanik David Cameron, Rama tha se në takim kanë folur për një investim strategjik siç është hekurudha Durrës-Prishtinë. Po ashtu Rama theksoi se së shpejti do të hapet gara për portin e ri tregtar të Durrësit, por që pritet përgjigja nga NATO fillimisht.

"Pa hyrë në planet e bashkëpunimit, dëshiroj të theksoj se kemi folur për përfshirjen në një projekt strategjik për Shqipërinë dhe Kosovën, që është hekurudha Durrës-Prishtinë që është një element kyc i rritjes së kapacitetit të lëvizjes jo vetëm mes dy vendeve tonë por në rjaon e më gjerë. Së shpejti hapim garën për portin e ri tregtar të Durrësit, jemi në pritje ndërkohë të përgjigjes nga NATO, edhe Kosova do të ndërtojë një port të thatë në Prishtinë është një projekt që tejkaton interesin e dy vendeve tona. Britani ka shprehur interes të përfshihet me financim dhe ekspertizë. Cameron një avokat shumë i rëndësishëm i ynë në proceset transformuese," tha Rama.

rama david cameron ne tirane