Apeli i Posaçëm mbyll shqyrtimin, vendimi për Belerin merret më 25 qershor

Fredi Beleri

TIRANA- Gjykata e Apelit të Posaçëm ka deklaruar të mbyllur shqyrtimin dhe ka shtyrë marrjen e vendimit për në datë 25 qershor për Fredi Belerin. Ky i fundit kundërshton masën e dhënë nga Gjykata Antikorrupsion, ndërsa avokatët kërkuan shpalljen e tij të pafajshëm. Prokurori i posaçëm kërkoi nga Apeli lënien në fuqi të vendimit të shkallës së parë.

Beleri fitoi në zgjedhjet e Parlamentit Evropian, ndërsa ishte pjesë e listave të Kyriakos Mitsotakis. Fredi Beleri është dënuar me 2 vite burg për korrupsion në zgjedhje. Ai ka ankimuar në Apel dënimin nga GJKKO-ja. Beleri u arrestua 2 ditë para zgjedhjeve lokale të 14 majit, pas një hetimi të nisur nga Prokuroria e Vlorës në datën 8 maj me dyshimet se shtabi elektoral i kandidatit të koalicionit “Bashkë Fitojmë” po shpërndante para në këmbim të votave.

Ndërkohë në 5 mars të këtij viti Beleri u dënua me dy vite burgim nga GJKKO, duke u shpallur fajtor për veprën “korrupsion aktiv në zgjedhje”. Ndërsa Pandeli Kokoveshi u dënua me 1 vit e 6 muaj burg, por dënimi me burg për të është pezulluar dhe do të qëndrojë 3 vite në shërbim prove.

fredi beleri