Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Arrestimi i avokatit Barjami, Berisha akuzon Prodën: Anëtar i bandës dhe dy herë kriminel
PiranjatPërditësimi i fundit 20 Tetor 2025, 12:16
Pas përplasjes së bujshme në Gjykatën e Elbasanit, pas të cilës u arrestua avokati Ulian Barjami, Kreu i PD, Sali Berisha ka hedhur akuza për Ilir Prodën, gjatë një deklarate për mediat.
“Këta që përpiqen të shndërrojnë krimet e tyre të shëmtuara në mburojë për drejtësinë, këta janë dy herë kriminelë”, ka thënë ai.
Ai e ka akuzuar atë si anëtar të bandës, dhe arrestimin e avokatit e ka quajtur “terror që të mbajë gojën mbyllur”.
“Arrestojnë avokatin në Elbasan, sepse guxoi t’i thotë prokurorit do të bej padi penale. Çfarë fyerje dhe çfarë kërcënimi është ky. Kur një njeri në sallën e gjyqit që mbronte një klient i thotë që po shpif dhe ky bandit me Prodën që është anëtar i bandës, thërret avokatin dhe e arreston të nesërmen. Të arrestosh avokatin në këtë mënyrë, ky është terrori mbi avokatët që të mbyllin gojën në sallën e gjyqit. Çfarë drejtësie është kjo. Kur e dëgjova, mendova se mos avokati ka humbur nervat dhe ka agresuar prokurorin dhe thashë kjo është e papranueshme, por kur pashë me regjistrime se çfarë ka ndodhur, kjo është turp. Këta që përpiqen të shndërrojnë krimet e tyre të shëmtuara në mburojë për drejtësinë, këta janë dy herë kriminelë”
