Viktor Bardhi i vrarë mëngjesin e sotëm në Mirditë është vëllai i Martin Bardhit, i mbetur viktimë e një ate...
POLITIKE
"Ata kanë ndërtuar “Noc Rrokun” dhe kanë bërë vetëm dëme"/ Rama: Sot kur erdha nuk u ndjeva sikur po hyja në Kandahar...
m.lPërditësimi i fundit 25 Prill 2025, 18:41
SHKODËR- Kryeministri Edi Rama zhvilloi një takim me gratë dhe vajzat e qytetit të Shkodrës këtë pasdite në kuadër të zgjedhjeve parlamentare të 11 majit. Gjatë fjalimit të tij, Rama tha se në dy vite kemi ndërtuar sa kemi mundur pa bërë asnjë dëm duke shtuar se në të gjithë vitet e qeverisjes para se ai të vinte në pushtet, ata kanë ndërtuar “Noc Rrokun” dhe kanë bërë vetëm dëme.
Kryesocialisti shtoi se kur kishte hyrë në qytetin e Shkodrës sot, nuk ishte ndjer sikur po hynte në Kandahar pasi ishte çliruar komplet pjesa e majtë që shihet liqeni duke shtuar se aty do të bëjnë një nga parqet më të bukura në Shqipëri.
"Në dy vite, këtu kemi ndërtuar sa kemi mundur, por nuk kemi bërë asnjë dëm. Ndërkohë që në të gjithë vitet e mëparshme, ata kanë ndërtuar “Noc Rrokun” dhe kanë bërë vetëm dëme. Sot ishim te shkolla “Ismail Qemali”, nuk kam ndjerë ndonjëherë, prej kohësh nuk e kisha ndjerë atë djegie këtu në gjoks kur kam hyrë para ca kohësh te shkolla “Ndre Mjeda, një nga shkolla më të mira, më rezultate, dhe një godinë që nuk e gjen më në qytetet qendra qarku të Shqipërisë.
Duhet të shkosh shumë larg, në periferi të gjesh një godinë si ajo e shkollës ku ne po bëjmë tani rindërtimin. Sot. Te shkolla, “Ismail Qemali”, që ka një rëndësinë për të gjithë Shqipërinë, pasi është hapur disa muaj pas pavarësisë, 1913. Në mes të qytetit, e ndërtuar, e prishur, e ndërtuar nga komunistët në 1971, që atëherë veç futi bojë sipër, asnjë investim, zero. Dhe aty, sot ne prezantuam projektin dhe do të jetë një nga shkollat më të bukura të Ballkanit…. Sot kur erdha në Shkodër, te hyrja nuk u ndjeva sikur po hyja në Kandahar. Ishte çliruar komplet pjesa e majtë e që sheh liqenin dhe aty ne do bëjmë një nga parqet më të bukur të Shqipërisë," tha Rama.
