Zjarri në zonën e Radostinës në Fier vijon të jetë aktiv me intensitet të lartë dhe situata raportohet e vështir&...
POLITIKE
Avokatja e koncesionit të Butrintit përzgjidhet për në KLGJ, Zhupa: Nuk justifikon dot burimin e të ardhurave. Janë gjetur dy probleme kryesore
b.zPërditësimi i fundit 4 Qershor 2024, 20:18
Ina Zhupa
TIRANË - Deputetja demokrate Ina Zhupa ka reaguar pas kandidaturës së avokates Eris Hysi, të përzgjedhur nga Kuvendi për në KLGJ. Në një postim në rrjete sociale Zhupa është shprehur se Eris Hysi, avokatja e koncesionit të Butrintit nuk justifikon dot burimin e të ardhurave.
Sipas Zhupës ILDKPKI ka gjetur dy probleme kryesore të Hysit. E para sipas saj është se në regjistrimin e një apartamenti në zonën e "Kodrës së Diellit" Hysi nuk ka shënuar çmimin real të paguar prej saj, dhe së dyti Hysi nuk justifikon me burime të ligjshme të paktën 45 mijë euro si të ardhura nga aktiviteti në zyrën e saj avokatore.
Reagimi i plotë i Zhupës:
Eris Hysi, avokatja e koncesionit të Butrintit që nuk justifikon dot burimin e të ardhurave ështe e përzgjedhura e Kuvendit për në KLGJ!
Qeveria dhe koncesionarët janë një, ata bashkohen edhe në futjen e duarve në gjyqësor me avokatët “masha” të tyre. Kuvendi ngelet noter i vendimarrjeve të paradhomave të kryeministrit. Avokaten e koncesionit duan ta shpërblejnë me një vend në Këshillin e Lartë Gjyqësor.
ILDKPKI, ka gjetur dy probleme kryesore të Eris Hysit
– E para, Eris Hysi rezulton se, në regjistrimin e apartamentit në zonën e “Kodrës së Diellit” ka shënuar vlerën 77.347 euro dhe jo me çmimin real të paguar prej saj, 108.000 euro. Gjithashtu, për këtë apartament, ILDKPKI konstaton se nuk janë paguar tatimet mbi fitimin.
– E dyta, Eris Hysi nuk justifikon me burime të ligjshme të paktën 45 mijë euro, të deklaruara si të ardhura nga aktiviteti në zyrën avokatore.
Mesa duket sa më shumë probleme të kesh dhe sa më shumë të kesh punuar për interesat klienteliste të qeverisë, për koncesionet e saj, aq më shumë pikë profesionalizmi merr nga Kuvendi.
