Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
POLITIKE
Bardhi njoftoi ndërprerjen e marrëdhënieveve institucionale të PD-së me mazhorancën, anulohet mbledhja e Konferencës së Kryetarëve
r.llPërditësimi i fundit 27 Shtator 2024, 18:35
gazment bardhi
TIRANË- Mbledhja e Konferencës së Kryetarëve, e cila ishte planifikuar të zhvillohej më 30 shtator në orën 12:30, është anulluar me vendim të kryetares së Kuvendit, Elisa Spiropalit. Në një konferencë për mediat pak më herët, Bardhi tha se në mbledhjen e deputetëve të PD-së është vendosur të ndërpresin çdo marrëdhënie insitucionale me mazhorancën.
VENDIMI:
PËR ANULLIMIN E MBLEDHJES TË KONFERENCËS SË KRYETARËVE, DATË 30.9.2024, ORA 12:30
Në mbështetje të nenit 7, pika 6, të Rregullores së Kuvendit,
Anullimin e mbledhjes së Konferencës së Kryetarëve të thirrur në datën 30.9.2024, ora 12.30. Mbledhja e parashikuar për tu zhvilluar më datë 30.9.2024, do të zhvillohet në një datë të mëvonshme. Ngarkohen shërbimet e Kuvendit për shpërndarjen me anë të postës elektronike zyrtare të urdhrit për anullimin e mbledhjes për anëtarët e Konferencës së Kryetarëve. Ky urdhër hyn në fuqi menjëherë.
Përveç deklaratës së Bardhit, ende nuk ka asnjë detaj të mëtejshëm nëse PD-ja do ta rikthejë aksionin opozitar në seancat e ardhme plenare apo të Komisioneve Parlamentare. Ndërkohë është njoftuar se në 6 tetor do të zhvillohet protesta kombëtare e thirrur nga PD-ja. Opozita po diskuton variante të ndryshme lidhur me aksionin opozitar, ndërsa ajo që është pohuar nga drejtues të saj është se do të ketë një përshkallëzim të protestave, rezistencë dhe shtrirje të tyre në kohë.
Këto zhvillime vijnë pas vendimit të një dite më parë të gjykatës së Apelit, e cila la në fuqi dënimin me 1 vit burg për "kallëzim të rremë" për deputetin demokrat, Ervin Salianji. Ky i fundit u paraqit pasditen e sotme në policinë e Tiranës, ku do të kryejë procedurat ligjore për ekzekutimin e vendimit gjyqësor.
