Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
Një i mitur, 15 vjeç, i arerstuar nga policia në protestë, ka rrëfyer dhunën e ushtruar në komisariat dhe mbajtjen pë...
“O milet, Rama ka siklet”, “Dorëheqje” dhe “Ju erdhi fundi!” janë disa nga thirrjet që dëgjohen në ...
Një qytetar i është bashkuar protestës së pedagogëve dhe studentëve para Kryeministrisë, duke thënë se ka da...
Policia e Vlorës ka zhvilluar një aksion në lidhje me ngjarjen e së hënës, kur automjetit të kryetarit të Njësis&eu...
Plaçkitjet dhe dhuna që tronditën Francën gjatë fundjavës kërcënojnë të riformësojnë ekuilibrin ...
Nga Adelheid Woelfl, DER STANDARD Sipas Ministrisë së Shëndetësisë, të dielën gjatë protestave në Tiranë u ...
Revolta studentore është rikthyer edhe në qytetin bregdetar, ku studentët e Universitetit të Durrësit kanë bojkotuar më...
Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
Dhjetë aktivistë të Shoqërsë Civile kanë depozituar këtë të martë një kallëzim penal në Proku...
Protestuesit në Shqipëri janë përleshur me policinë e trazirave për të shtatën ditë radhazi, në një seri përplasjesh të dhunshme.
Protestuesit, shumë prej të cilëve nxënës të shkollave të mesme dhe studentë universitetesh, po përpiqen të rrëzojnë nga pushteti kryeministrin e kontestuar Edi Rama. Sipas shifrave zyrtare, përpara dhunës së së hënës ishin plagosur 295 persona, 186 prej të cilëve efektivë policie.
“Në momentin që shteti negocion me këtë”, u tha Rama drejtuesve të policisë me fytyra të zymta, duke mbajtur në dorë një gur që ishte hedhur drejt policisë të dielën, “shteti ka rënë”.
Gjatë protestave, të cilat nxiten nga kërkesat për kushte më të mira në universitete, zemërimi për korrupsionin dhe thirrjet për dorëheqjen e Ramës, janë sulmuar një komisariat policie dhe ndërtesa qeveritare në Tiranë.
Protestuesit përfshijnë “të rinj e të reja që janë radikalizuar nga forca të errëta në Evropë dhe në SHBA”, tha Rama. “Shqipëria është bërë një prej objektivave të një sulmi të mirëkoordinuar”.
Nën rrezet e forta të diellit të tetorit në Parkun Rinia, i njohur edhe si Parku i të Rinjve, pashë njerëz që shkëputnin gurët e kalldrëmit — si ai që mbante në dorë kryeministri — për t’i përdorur si municion në përplasjet e mëvonshme me policinë. Nuk iu desh të prisnin gjatë.
Një autokolonë automjetesh policie përparoi përgjatë një bulevardi të gjerë, e udhëhequr nga një automjet i blinduar që lëshonte ujë me presion dhe granata gazi lotsjellës mes protestuesve që po largoheshin me vrap.
Grupe policësh të forcave të trazirave ndoqën turmën, kryesisht të përbërë nga studentë, përmes parkut. Protestuesit u strehuan në një kafene, ku edhe kamarierëve u rridhnin lotët nga gazi lotsjellës.
Nën pemë, vullnetarë të veshur me jelekë të verdhë reflektues qëndruan në vend, duke ndihmuar personat që po mbyteshin nga tymi dhe gazrat. Pashë një të ri që po debatonte me një polic, i cili më pas i spërkati fytyrën me sprej piperi nga një distancë fare e afërt.
“Veprimet e policisë janë shpeshherë kaotike dhe të pamenduara”, i tha BBC-së avokati i të drejtave të njeriut, Gentian Sejrani. Ai ofron ndihmë ligjore për më shumë se 100 persona që janë arrestuar.
“Në gjykatë, policia rrallëherë paraqet prova”, tha ai. Mes klientëve të tij është edhe një burrë që u arrestua teksa po shkonte drejt një stacioni autobusi — një person që, sipas tij, nuk kishte asnjë lidhje me protestat.
“Ata që në të vërtetë hedhin sende drejt policisë rrallë kapen, sepse janë më të shpejtët në vrapim”, tha Sejrani.
Policia duket po aq e zemëruar nga dhuna e ushtruar ndaj kolegëve të saj, sa ç’janë protestuesit nga taktikat e ashpra të policisë. Rezultati është një kaos i vërtetë.
Jashtë kafenesë në park, pasi gazi ishte shpërndarë, aktivistja 27-vjeçare Sidorela Vatnikaj, studente në programin e masterit, përshkroi një ditë të zakonshme të saj. Në një lëvizje pa udhëheqës, ajo është ndër aktivistet më me përvojë, me tetë vjet angazhim në vijën e parë të protestave kundër qeverisë.
“Në mëngjes, përpiqesh të bashkërendosh punën me të gjitha grupet — ku ndodhen dhe ku po zhvillohet protesta. Shikon nëse nevojiten avokatë, kuti të ndihmës së parë apo çfarëdo lloj pajisjeje. Gjithashtu, duhet të sigurohesh që të gjithë miqtë dhe familjarët e tu që marrin pjesë në protestë janë mirë”.
Ajo tha se ditën e kalon duke shkuar nga një protestë te tjetra dhe se një pjesë të madhe të kohës e kalon duke ikur me vrap nga policia.
Ajo ndihet në siklet për dhunën që protestuesit e tjerë ushtrojnë ndaj autoriteteve, por fajëson policinë për nisjen dhe nxitjen e saj.
“Kur shoh njerëz që hedhin gurë drejt policisë, e kuptoj zemërimin e tyre. Nuk i gjykoj. Nuk më pëlqen kjo, por ata nuk kanë rrugë tjetër që zëri i tyre të dëgjohet”, tha Vatnikaj.
“Ata vijnë nga familje, anëtarët e të cilave nuk kanë pasur zgjidhje tjetër veçse të largohen nga vendi — një milion njerëz gjatë dekadës së fundit. Ata jo vetëm që janë grabitur, por edhe janë keqtrajtuar, shpërfillur dhe tani janë rrahur”.
Gjatë fundjavës, kryeministri pyeti në mënyrë retorike se çfarë do të ndodhte nëse ai do të largohej nga detyra.
“Na duhet një qeveri teknokratike për një vit, për ta përgatitur vendin për zgjedhje të vërteta demokratike”, përgjigjet Vatnikaj. Ajo e ka akuzuar Ramën për manipulimin e zgjedhjeve të mëparshme dhe për lidhje të ngushta me investitorë të huaj të pasur dhe grupe të krimit të organizuar.
Të rinjtë në Shqipëri ndihen të inkurajuar nga bashkëmoshatarët e tyre të Gjeneratës Z, të cilët po protestojnë në mbarë botën, tha Vatnikaj.
“Kam parë brezin e nënës dhe babait tim, që kanë punuar gjithë jetën dhe kanë ëndërruar për një shoqëri demokratike ku të mund të jetonin me dinjitet. Kjo nuk ndodhi kurrë”, tha ajo.
Rama është në pushtet prej 13 vjetësh dhe ka qenë një figurë dominuese në politikën shqiptare që nga fillimi i shekullit. Ai ka premtuar anëtarësimin e Shqipërisë në BE deri në vitin 2030 dhe ka thënë se është i vetmi që mund ta realizojë këtë.
Kreu i Sindikatës së Pedagogëve, Aleksandër Kovaçi, deklaroi se do të mblidhen çdo ditë në protestë deri...
Protestuesit kanë refuzuar thirrjen për dialog të përcjellë nga drejtoresha e MIA-s, Manjola Hasa, duke vijuar qëndrimin para Krye...
Rreth 1300 pedagogë janë mbledhur para Universitetit Politeknik të Tiranës, nga ku kanë nisur marshimin drejt bulevardit “D&eum...
Kryeministri Edi Rama ka mbledhur këtë mëngjes grupin parlamentar të Partisë Socialiste në Kryesinë e Kuvendit, ku u ka k&eum...
Studentët i kanë kthyer përgjigje kryeministrit Edi Rama, i cili vendosi disa karrige përpara Kryeministrisë, mbi të cilat vendo...
Kryeministria ka vendosur disa karrige në shkallët përpara godinës, ku është vendosur mbishkrimi “Dialog”, në n...
Avokatja Adriana Kalaja ka denoncuar gjatë emisionit 'Kafe shqeto' në Syri tv edhe nja shkelje flagrante të ligjit nga polici që ësht...
Edi Rama ka kërcënuar sërish studentët dhe gjimnazistët që kanë dalë në protestë për të kërkuar...
Edi Rama sulmoi sërish ditën e sotme studentët dhe gjimnazistët që kanë dalë në protestë dhe i kërkojnë d...
Kryeministri Edi Rama po zhvillon një takim me drejtuesit e gjimnazeve, në një kohë kur protestat në Tiranë vijojnë prej di...
