"Bëji më të zeza flokët", Basha për përplasjen me Manjën: Ndoshta në mesnatën e amnistisë pasionet e Ulsiut kanë ndryshuar

lulzim basha

ELBASAN- Kreu i PD-së së vulës, Lulzim Basha ka komentuar nga Elbasani përplasjen në Kuvend me ministrin e Drejtësisë, Ulsi Manja gjatë seancës parlamentare të së enjtes në interpelancën për Amnistinë Penale.

Manja iu drejtua Bashës duke i thënë që “kujdes me bojën herë tjetër, bëji më të zeza flokët”. Basha u shpreh se një mashkull duhet të merret me flokët e femrave, por shtoi se “ndoshta në mesnatën e amnistisë pasionet e Ulsiut kanë ndryshuar”.

"Duan ta kthejnë debatin tek ajo që Edi Rama di më mirë, dajre, tepsi, tani kanë nisur të merren me flokët e mi. Nuk është për të qeshur. Ka një pjesë për të qeshur të them të drejtën se normalisht një mashkull duhet të merret me flokët e femrave.

Por ndoshta në mesnatën e amnistisë pasionet e Ulsiut kanë ndryshuar. Gjithsesi e patë se si u përpoqën ta kthejnë nga një diskutim për amnistinë dhe gënjeshtra për amnistinë, në një berberhane. E dimë që këta kanë prirje për berber të gjithë sepse kështu kanë shkurtuar fondet, për mbështetjen sociale, për fermerët, arsimin.", tha Basha.

lulzim basha ulsi manja