"Beqaj lëvizte i lirë, 30 gardistë shoqëronin kryeparlamentaren!" Spiropali-Hotit: Kishte ardhur kryetari i Kuvendit të Maqedonisë së Veriut, por nuk u përdor asnjë punonjës

TIRANA- Vijojnë debatet në seancë planare për shkak të situatës së djeshme në komisionin hetimor për koncesionet në Shëndetësi. Deputetja e PD-së Elda Hoti tha se ish-ministri Ilir Beqaj lëvizte i lirë në Kryesinë e Kuvendit pasi Garda ishte e zënë duke shoqëruar kryetaren e parlamentit Elisa Spiropali në Panairin e Librit. Vetë Spiropali reagoi menjëherë duke thënë se dje për vizitë kishte qenë homologu i saj nga Maqedonia e Veriut dhe nuk u përdor asnjë punonjës i Gardës për të mbrojtur as kryetarin e kuvendit të Maqedonisë së Veriut atë.

Pjesë nga diskutimi në Kuvend:

Hoti: Ilir Beqaj lëvizte i lirë mbrëmë dhe dy ditë me radhë nëpër korridoret e Kuvendit sepse 30 gardistë dje ishin të zënë duke shoqëruar zonjën Spiropali se do të shkonte në panairin e Librit. Znj. Spiropali mos e keqpërdor Gardën e Republikës për paradën tuaj të modës. E paprecedentë zonjë ajo që ndodhi në komisionin hetimor.

Spiropali: Dje në Kuvendin e Shqipërisë ishte për vizitë kryetari i Kuvendit të Maqedonisë së Veriut, i cili bëri një vizitë në Panairin e Librit. Nuk u përdor asnjë punonjës i Gardës për të mbrojtur as kryetarin e kuvendit të Maqedonisë së Veriut dhe as kryetaren e Kuvendit, kanë procedurat e tyre të mbrojtjes.

kuvendi