Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Berisha: Buxheti antiqytetar jep vetëm 16 milionë euro për rreth 800 mijë pensionistë, kurse Rama zhgërryhet në luks dhe vjedhje
E.DPërditësimi i fundit 11 Nëntor 2024, 19:56
TIRANË- Kreu i Partisë Demokratike, Sali Berisha, gjatë fjalimit tij mbrëmjen e sotme ka denoncuar buxhetin e shtetit të projektuar nga Edi Rama. Berisha u shpreh se buxheti antiqytetar jep vetëm 16 milionë euro për rreth 800 mijë pensionistë, kurse Rama zhgërryhet në luks dhe vjedhje. Berisha gjithashtu tha se Edi Rama është kryeministër i vetëm në Europë dhe në botë, që në gjykatën e Uashingtonit ka të dënuar McGonigalin që e korruptoi me paratë e zyrës së tij, por që mbrohet nga Dumani.
"Të dashur qëndrestare dhe qëndrestarë. Këto ditë në parlament, në studiot televizive dhe kudo, dëgjoni dhe lexoni për buxhetin në të madh në historinë e Shqipërisë prej 8.2 miliardë eurosh. Buxheti, i cili vetëm një të dyqindtën iu kushton 40 përqind të shqiptarëve që jetojnë në fshat. Buxhetin antiqytetar që 800 mijë pensionistëve iu kushton 16 milionë euro. Në akte përçmimi, përbuzje ekstreme nga narkoelita e Shqipërisë, e cila pasurohet çdo sekondë, çdo minutë, çdo orë, çdo ditë duke thithur pasuritë tuaja, pasuritë e shqiptarëve si shushunja.
Duke u zhytur në luks, në abuzime, shpërdorime të paimagjinueshme. Dhe me 8.2 miliardë euro kanë zemër dhe shpirt këta të pashpirt dhe të pazemër t’u thonë 800 mijë pensionistëve se nuk do ua rrisim pensionet, por do u bëjmë një bonus që nga marsi në tetor ua vodhëm për t’ua dhënë dhe për t’u gëzuar ju në dhjetor.
Të dashur miq, Edi Rama është kryeministër i vetëm në Europë dhe në botë, që në gjykatën e Uashingtonit ka të dënuar McGonigalin që e korruptoi me paratë e zyrës së tij, por që mbrohet nga faqezi Dumani sepse është peng i apartamenteve dhe krimeve të tij. Natyrisht Edi Rama, narkoministrat e tij, nuk mund të mos shpërfillin, të mos përçmojnë pensionistët e vuajtur, fermerët, të papunët. Nuk mundet kurrsesi sepse vetë zhgërryhet në luks, zhgërryhet në vjedhje," tha Berisha.
