Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
POLITIKE
Berisha: Departamenti i Thesarit nuk pranoi të bëhej bashkëautor në shpalljen ‘non grata’
E.DPërditësimi i fundit 14 Nëntor 2024, 21:54
TIRANË- Kreu i Partisë Demokratike, Sali Berisha, ka treguar për herë të parë se, Departamenti i Thesarit të SHBA-së nuk ka pranuar që të bëhej bashkëautor i shpalljes së tij ‘non grata’. Berisha gjatë intervistës në ‘Çim Peka LIVE’ në SYRI TV, u shpreh se Departamenti i Thesarit nuk gjeti asgjë për Sali Berishës, dhe për këtë arsye nuk u bë bashkëautor i atentatit ndaj demokracisë shqiptare. Më tej Kryedemokrati tha se në të gjithë ligjin amerikan, Edi Rama duhet të dënohej sa vetë McGonigali për korruptimin dhe cënimin e rendë të sigurisë së SHBA me aktin e tij.
"Unë kam besim se qeveria e SHBA nën udhëheqjen e presidenti Trump do ti japë përgjigjen e merituar kësaj praktike puçiste, të cilën nuk e lejojnë ligjet amerikane. Nuk kam dyshim se kjo do të ndodhë, nuk do të përsëritet. Ju rikujtoj këtu vetëm një moment. Pasi sanksionuan Sali Berishën, i çuan dokumentet në Thesar dhe thesari gjeti atë që ka gjetur Altin Dumani, Edi Rama dhe nuk pranoi të bëhej bashkëautor në aktin e shëmtuar, atentatin ndaj demokracisë shqiptare. Absolutisht. Sali Berisha nuk ka asnjë lidhje me ligjin ‘Malinski’, zero se nuk gjeti asgjë, nuk gjeti asgjë fare.
Mendoj se çështja e Sali Berishës nuk mund të jetë një çështje e shkëputur, por edhe sikur të ishte, besoj se ajo si një grusht shtetit ndaj një vendi mik, partner do të shqyrtohej. Por siç e patë ju, kjo ka qenë një praktikë e përdorur nga ekstremistët e majtë të Soros, mafia e tij në një seri vendesh. Edi Rama nuk ka ofruar dhe nuk ofron, por unë mendoj se Edi Rama duhet të bashkëshoqërojë McGonigalin. Në të gjithë ligjin amerikan, Edi Rama duhet të dënohej sa vetë McGonigali për korruptimin dhe cënimin e rendë të sigurisë së SHBA me aktin e tij," Berisha.
