Gazetari Almer Toska ka publikuar një video-mesazh drejtuar Kryeministrit Edi Rama, në të cilin gazetari përdor tone të forta dhe dek...
POLITIKE
Berisha: Dorëheqja e Edi Ramës është e vetmja zgjidhje për të rikthyer normalitetin
PiranjatPërditësimi i fundit 18 Tetor 2026, 13:20
‘Dorëheqja e Ramës është e vetmja zgjidhje për të rikthyer normalitetin’. Kështu deklaroi gjatë një dalje për mediat kreu demokrat Sali Berisha.
‘Ajo që ka ndodhur këto ditë është pasojë e dhunës 13-vjeçare të Ramës’, tha ai.
Berisha:Unë sot dua të ndalem pak në monologun vulgar të Padrinos së vendit dhe theksoj: Edi Rama jep dorëheqjen, çdo cak është kaluar, çdo vijë e kuqe është shkelur.
Fjalimet nga zyra nuk e kthejnë dot stabilitetin në vend.
Videot në 6 të mëngjesit ku ti vjell vrerin e zi nuk qetësojnë dot situatën alarmante ku ndodhet Shqipëria prej një javë.
Dokrrat me armiq të brendshëm dhe të jashtëm i ke trashëgimi gjenetike nga etërit e tu mizorë.
Filmat fantazi me dronë dhe eksplozivë janë një përpjekje e dëshpëruar e jotja, ose mbase një përpjekje që tani që të erdhi fundi për të zhdukur gjurmët e vjedhjes së madhe të dhjetëra milionëve euro në grehinën në oborr të kryeministrisë.
Ka vetëm një zgjidhje për të rikthyer normalitetin në këtë vend dhe e kanë shprehur me qartësi si kristali ata dhjetëra mijëra studentë e gjimnazistë këto ditë të protestës së tyre heroike.
Ajo zgjidhje është: Rama jep dorëheqjen.
Kjo kërkesë është shprehur qartë edhe nga qindra mijëra qytetarë që mbështesin studentët nga shtëpitë e tyre dhe absolutisht po të jetë nevoja edhe ata do zbresin në shesh krahas djemve dhe vajzave të tyre, ndaj mos e provoko më situatën më tej.
Zgjidhja është vetëm një: jep dorëheqjen menjëherë.
Dhuna e vërtetë nuk është ajo që ti mashtron.
Po si ke fytyrë dhe del e flet për dhunë para shqiptarëve?
Del në mëngjes dhe flet mbi një orë, e quan protestën e mbështetur nga mbarë bota, si flamë.
Fëmijët e Shqipërisë i quan të verbër dhe kokëboshë.
Akuzon studentët e të rinjtë për dhunë mor faqezi.
Jo, Edi Rama, ajo nuk është dhunë.
Ajo që ka ndodhur këto ditë është direkt pasojë e dhunës tënde.
