Shqipëria ka arritur rekord për punësimin e shtetasve të huaj që arrijnë mbi 22 mijë shtetas deri në qershor 2026 nga 18...
POLITIKE
Berisha: Edi Rama do të merret edhe me gjirizet, kanalizimet, ujësjellësat, vetëm se si e si të presë gjoba
E.DPërditësimi i fundit 9 Tetor 2024, 20:11
Sali Berisha
TIRANË- Kreu i Partisë Demokratike Sali Berisha gjatë fjalimit të tij mbrëmjen e sotme ka akuzuar Edi Ramën se po merr kompetencat e pushteteve lokale, duke shkelur Kushtetutën, vetëm e vetëm për të vendosur gjoba. Gjithshtu Berisha u shpreh se në botë nuk ka një kryeministër që të jetë kryetar i ujërave të vendit
"Të dashur miq, ky bastard i bllokut hoxhist tejkalon në disa aspekte etërit e tij mizor. Si kurrë ndonjëherë në një vend tjetër, Edi Rama për të marrë rryshfetin, për të prerë 30 përqindëshin firmos sot çdo leje ndërtimi në Shqipëri. Kjo është përdhosje e kushtetutës, e ligjeve. Garantoj qeveritë vendore, garantoj shqiptarët se kjo nuk do të ndodhë kurrë më. Se qeveria vendore do të funksionojë mbi bazën e kushtetutës dhe Kartë Europiane të Autonomisë Lokale.
Të dashur miq! Vetëm 3 muaj më parë njoftoi se shkrihej Komiteti i Ujërave në Shqipëri, një autoritet rregullator i përbërë nga specialistë të fushës. Krijohet Këshilli Kombëtar me në krye kreun e meduzës Edi Rama. Pra ky do të merret edhe me gjirizet, kanalizimet, ujësjellësat, se si e si të presë gjoba. Por në botë nuk ka një kryeministër që të jetë kryetar i ujërave të vendit," tha Berisha.
