Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
POLITIKE
Berisha: Faktori ndërkombëtar do të qëndrojë i palëkundur në anën e votës së lirë të shqiptarëve
m.lPërditësimi i fundit 17 Maj 2025, 13:22
TIRANA- Kryedemokrati Sali Berisha ka shprehur bindjen ditën e sotme se faktori ndërkombëtar do të qëndrojë i palëkundur në anën e votës së lirë të shqiptarëve. Në një konferencë për mediat, Berisha tha se do të dokumentojnë çdo blerje vote, çdo dhunim të hapur, publik dhe të fshehur të ligjeve të vendit. Ai shtoi se këto zgjedhje ishin farsa elektorale më e shëmtuar e 34 viteve në Shqipëri.
"Absolutisht kam bindjen më të thellë, se faktori ndërkombëtar do të qëndrojë i palëkundur në anën e votës së lirë të shqiptarëve. Jam shumë i bindur në këtë. Janë shumë të paktë ata që për hir të karriges së Edi Ramës, do të pranonin të sakrifikonin të drejtën e votës së lirë të shqiptarëve. Ne do të dokumentojmë çdo blerje, çdo dhunim të hapur, publik dhe të fshehur të ligjeve të vendit. Zgjedhjet ishin farsa elektorale më e shëmtuar e 34 viteve në Shqipëri. Kjo është e vërteta... Partia Demokratike do të angazhohet si në lëvizje të fuqishme të fuqishme brenda vendit, por dhe në dialog intensiv dhe takime intensive me organizatat ndërkombëtare dhe vendet partnere mike, për të vërtetuar të gjithë shëmtinë e farsës elektorale të datës 11 maj 2025," tha Berisha.
