Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Berisha: Kush e pengoi kryetarin e parlamentit të hapë parlamentin me një përshëndetje për lirimin e pengjeve nga Hamasi
PiranjatPërditësimi i fundit 9 Tetor 2025, 10:22
Kryetari i Partisë Demokratike, Sali Berisha, ka kërkuar që Shqipëria të përshëndesë hapin e parë drejt marrëveshjes së paqes mes Gazës dhe Izraelit, të ndërmarrë nga presidenti i SHBA-së, Donald Trump. Gjatë fjalës së tij në seancën parlamentare, Berisha theksoi rëndësinë e këtij momenti historik dhe kërkoi mbështetje për përpjekjet për paqe në Lindjen e Mesme.
Në vijim, Berisha ka akuzuar kryetarin e Kuvendit, Niko Peleshi, për futjen e emrit të Enver Hoxhës në librin e muajit të Kuvendit, duke theksuar se ky veprim është bërë me urdhër të kryeministrit Edi Rama. Sipas tij, ky është një shkelje e ligjit të vitit 1992, i cili ndalon çdo formë kujtimi dhe glorifikimi të diktaturës komuniste dhe Enver Hoxhës.
Berisha:
Fjala e kryetarit të PD, Sali Berisha:
Reagimi i parafolësit përbën një absurditet dhe më shumë se kaq.
Zoti Shehu, këtu përshëndeti hapin e parë të marrëveshjes prej 21 pikash të planit të paqes të presidentit Trump, dhe e kanë përshëndetur, sa për dijeni, edhe personalitete botërore.
Është hapi i parë dhe meriton përshëndetjen më të plotë.
Izraeli tërhiqet në një linjë të caktuar, lirohen 20 pengjet e gjalla nga Hamasi.
Çfarë ka këtu?
Çfarë u shkel këtu?
Kush e pengoi kryetarin e parlamentit të hapë parlamentin me një përshëndetje të tillë?
Kush e pengoi kryetarin e partisë së krimit të kërkojë fjalën?
Çfarë është kjo?
Kjo është për t’u përshëndetur.
Janë 20 pengje që lirohen.
Po e përshëndesin të tjerët.
Kurse ne i bëjmë gjyqin atij që propozoi.
Këtë duhet ta bënit ju.
Por ti e hape parlamentin me një apologji hipokrite.
Enver Hoxhën e fute ti me urdhër të Edi Ramës në axhendë.
Kryexhelatin e shqiptarëve, Hitlerin e shqiptaërve e futët ju.
Nuk është gabim, nuk është aberracion i librarisë.
Ka një ligj ky parlament të vitit 1992, që ndalon dhe dënon propagandën komuniste për Enver Hoxhën. Ka rezolutë parlamenti.
Nuk është punë biblioteke kjo.
Rezolutat e parlamentit janë të detyruara.
Imagjinoni ju se çfarë do ndodhte po të futej Hitleri në Bundestag.
Ju do thoni nuk ishte Enver Hoxha në përmasat e Hitlerit. Unë u them ju këtu se në prill të vitit 1991, samiti i EDU e ka vlerësuar në deklaratën e tij Enver Hoxhën si Hitleri i pasluftës.
