Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
POLITIKE
Berisha: Na duhet një reformë që sjell Drejtësi me standarde! Shkolla e Magjistraturës simbol i mafies në vend
b.zPërditësimi i fundit 28 Mars 2025, 21:12
Sali Berisha
TIRANË - Kryetari i Partisë Demokratike, Sali Berisha gjatë fjalës së tij në tryezën për drejtësinë, është shprehur se vendit tonë i duhet sipas tij një reformë që sjell drejtësi me standarde.
Berisha ngriti akuza se drejtësia është kthyer në një armë politike që po godet opozitën. Më tej lideri demokrat ka ngritur akuza edhe ndaj drejtorit të shkollës së Magjistraturës, Arben Rakipi. Sipas Berishës ky i fundit është simbol të mafias në drejtësi.
Pjesë nga fjala e Berishës
Ndaj dhe ne e nisëm këtë me fondacionin Adenauer dhe e nisëm jo pa qëllim. Gjermania ka kontribute të jashtëzakonshme. Gjykata Kushtetuese gjermane ka kontribute të jashtëzakonshme në të drejtën evropiane. Ka kontribute historike në konceptin e sigurisë ligjore. Dhe unë rikujtoj sot këtu, ka qenë viti 2016, kur profesor Frolajn, një jurist i shquar gjerman, kur u njoh me elementët fillestarë të kësaj reforme, foli i revoltuar dhe denoncoi me forcën më të madhe ato hapat e para që ishin parashikuar për të krijuar këtu një FBI që duhej të varej nga kryeministri. Dhe unë kam besim të madh. Ne e kemi nisur këtë përpjekje së pari për të bërë të njohur këto të vërteta para opinionit publik zyrtar evropian dhe ndërkombëtar. Së dyti, natyrisht për të ecur drejt një reforme e cila iu rikthen shqiptarëve të drejtën e procesit ligjor të drejtë. E cila iu rikthen shqiptarëve të drejtën e prezumimit të pafajësisë. E cila u jep një drejtësi të standardeve që nuk kthehet në armë politike. Sot janë qindra, në mos mijëra, shqiptarë të shkolluar në shkollat më të mira të Shqipërisë, Europës dhe botës, por që nuk futen dot në sistemin e drejtësisë. Jo, sepse duhet të kalojnë shkollën Rakipi. Se ç’përfaqëson shkolla Rakipi, unë ndjej keqardhje kur detyrohem të flas për këtë shkollë. Por ajo është simboli i një mafieje në sistemin e drejtësisë i pashoq. Jo në Shqipëri, por as në Europë. Dhe tani duhet që këta qindra e mijëra djem dhe vajza, të shkolluara në shkollat më të mira, po nuk hynë në atë shkollë, nuk mund të punojnë as prokurorë, as gjykatës. Atëherë çfarë duhet të bëjmë ne? Do rrimë kështu të presim? Jo mor zotëri. Dosjet po rriten nga viti në viti. Kanë qenë 130 mijë, janë 150 mijë. Dhe e fundit, zbulimi i fundit i marrëveshjes Delina Fico me Juri Kimin dhe institutin e saj, a e dini ju se atyre militantëve të fondacionit Qemal Stafa të PS, iu është besuar plotësisht detyra e këshilltarit ligjor, pavarësisht se ata nuk plotësojnë asnjë kusht ligjor. Në një kohë kur në shoqërinë tonë ka me qindra juristë shumë të mirë të shkolluar që i plotësojnë ato kushte. Por duhet të jenë militantët që në dhomë këshillimi t’ia cojnë atij dhe ai të japë vendimin pa takuar asnjë njeri. As avoketërit nuk i takojnë tani. Pra janë gjithë këto probleme. I marrim me durim, i marrim me vendosmëri. Ne kemi besim që e vërteta do prevalojë.
