Berisha paraqet programin për turizmin: Shteti do marrë përsipër një pjesë të pagave të punonjësve të industrisë turistike jashtë sezoneve

TIRANË- Kryetari i PD-së, Sali Berisha ka paraqitur ditën e sotme programin e tij për turizmin. Gjatë një takimi me shoqatat e turizmit, Berisha garantoi se do të bëjnë gjithçka për formalizmin e turizmit për kushte të barabarta. Berisha shtoi se do të arrihet një marrëveshje ku shteti do të marrë përsipër një pjesë të pagave të puonjësvë të industrisë jashtë sezoneve. 

Kryedemokrati vazhdoi më tej duke qenë se vendi ynë ka mundësi të shumta turistike në çdo sezon, do të bëjnë gjithçka që të zgjasi sa më shumë sezoni turistik. 

"Unë jam këtu për t’u zotuar se së pari do bëjmë gjithçka për formalizimin e turizmit, për kushte të barabarta.
Së dyti, ne së bashku me këto shoqata, do arrijmë një marrëveshje ku shteti do marrë përsipër një pjesë të pagave të punonjësve të industrisë turistike jashtë sezoneve. Përndryshe këta fillojnë çdo vit nga e para. Ajo praktikë që ekziston në Greqi dhe Itali, do vendoset edhe në Shqipëri se ne nuk kemi potencial më të vogël se ata. Ndaj u siguroj se ne do të ulemi bashkë me ju. Unë ju dëgjova një ditë zoti Topuzi që thatë se një pjesë janë studentë, por një pjesë janë edhe punëtorë që meritojnë të trajtohen në vazhdimësi me një pagë bazë sa të vijë sezoni tjetër.

Sikundër do bëhet gjithçka për zgjatjen sa më të madhe të sezonit turistik. Ka shumë mundësira, Shqipëria është turistike në çdo sezon dhe ky është një drejtim tjetër. Ne e nisëm këtë. E nisëm me ngritjen e infrastrukturës nga Çajupi gjer në Vermosh dhe Valbonë, por kjo do vazhdjë dhe do bëjmë çdo gjë që kudo që ka potenciale turistike, të shfrytëzohen. Turizmi i jep një shtytje shumë të madhe prodhimit vendas. Turizmi është shërbim, por indirekt është stimul i fuqishëm i prodhimit bujqësor, blegtoral, artizanal, etj. Pra është një sektor që punëson shumë më tepër jashtë logjistikës së vet, me mijëra e mijëra punëtorë. Dhe në këtë kontekst, ne do bëjmë gjithçka që Made in Albania të jetë e ngjitur me industrinë turistike," tha Berisha. 

sali berisha