Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Berisha publikon denoncimin e qytetarit: Sistemi i gjobave të ealbania-s vuri në kurth qytetarin, i kërkoi 5 mijë euro për 1 dynym tokë
n.fPërditësimi i fundit 2 Maj 2025, 19:11
TIRANË- Kreu i Partisë Demokratike, Sali Berisha gjatë fjalës së tij në takim me banorë në Tiranë zbuloi një denoncim të një qytetari. Berisha u shpreh se një qytetargjatë takimit të tij në Himarë i shprehu shqetësimin për ealbanian. Ai theksoi se qytetari i kishte treguar se ealbania vetëm po gjobit.
Sipas qytetarit pasi aplikojnë mbetën 2 muaj pa përgjigje dhe më pas shfaqet sekseri. Sipas qytetatit sekseri i jep atij një ofertë për një dynym tokë duhet të japë 5 mijë euro. Berisha e cilësoi këtë një kurth, se si të gjobisin pronarët nga qeveria. Ai tha se në programin e PD-së është kthimi, kompensimi, monetar ose fizik i qytetarëve.
"Ne patën krijuar një fond 75 mijë hektarë për kompensim. 75 mijë hektarë në zona të pëlqyera. Këta e morën atë. Këta e prishën atë fond. Po ne, pavarësisht se çfarë ndodh me atë se gjendja është tjetër, do të bëjmë kthimin e pronës aty ku është, pas asnjë kufizim. Dy. Kompensimin monetar të saj, ose kompensimin përkatës me trojet tokë në zora të preferuara turistike, bregdetare, breg-liqeni, malore, kudo që të jetë. Në këtë mënyrë, në rast se paraqitet nevoja për kthim he kompensimin e pronës, qeveria edhe kredi do marrë për të shlyer detyrimin ndaj jush, pronarëve.
E kam menduar shumë mirë dhe kjo e bën të pakufizueshme. Kjo i jep qeverisë të gjitha mundësitë për t’i dhënë përgjigjen më të plotë çështjes së pronës. Nuk do mbartet kjo çështje nga 4 vjeçari. 12 vite qenë të humbura. Kur është dorëzuar pushteti kanë qenë të zgjidhura 54 mijë dosje. Në 12 vite ka zgjidhur 800 dosje, dhe ju siguroj se ka krijuar, mundet 8000 tjera duke vjedhur tokën e pronarëve kudo. Unë isha në Himarë. Doktor më tha, kjo ealbania, kjo vetëm na gjobit ne. Na thonë, aplikoni aty, aplikoj. Nuk të përgjigjet, 2 muaj. Pas 2 muajsh të vjen sekseri. Thotë, ke aplikuar. Po, kam aplikuar duhet përgjigje. Për një dynym mund ta nxjerrim, po jep nja 5 mijë euro ti.
Urdhëroni, si e kanë bërë. Po unë thotë, kam shumë, nuk kam një dynym. Dhe ky është kurth, se si të gjobisin pronarët, sistem gjobash nga qeveria. Ndaj dhe, ftoj pronarët, duke i garantuar se për ne është çështje themeli në programin tonë kthimi, kompensimi, monetar ose fizik, dhe Shqipëria i ka sot të gjitha mundësitë. Po të mos kishte mundësi, unë do u thosha: nuk ka mundësi. Ka 100% mundësi. Po, me këta jo që nuk kthehet, por krijohet një ortek i dytë problemesh të mëdha me pronën. Paketa e maleve thotë, 500 të parët. Çfarë do të thotë ajo? Po, shko bleje tokën, unë të bëj një lëhtësim për taksat, por jo të të lehtësoj me tokën. Toka është e pronarëve. Në këtë mënyrë, ky regjim po shkon drejt 1946 në ligje," tha ai.
