Protesta e studentëve në Universitetin “Aleksandër Moisiu” në Durrës është shfaqur edhe në ambientet e kam...
POLITIKE
Mocioni për genocidin në Kosovë/ Berisha replikë me Bidon: Turp të kesh, transformove fjalët në minutë
PiranjatPërditësimi i fundit 16 Tetor 2025, 11:36
Kryedemokrati, Sali Berisha i është kundërpërgjigjur deputetit të PS-së, Ardit Bido, i cili komentoi deklaratën e tij.
Ai tha se nuk kishte thënë kurrë që shqiptarët kanë kryer gjenocid, dhe transformimi i tillë i fjalëve, është një turp që nuk ka ndodhur në 30 vite parlamentarizëm.
Berisha: Kam dy replika zoti Peleshi sepse deputeti që vjen gjoja nga studimi, pati atë që nuk mund ta bëjë kurrë një njeri, të trillojë, të shpifë dhe të atribuojë atë që nuk e thashë kurrë.
E turpshme për ty Ardit Bido.
Turp të kesh, turp të të vijë, falsifikator.
Këtu para jush unë thashë, se edhe sikur shqiptarët të kishin kryer kryer gjenocid kundër serbëve, kundër maqedonasve, sikur të kishin kryer, unë do e dënoja.
Gjenocidin, vrasjen për çështje etnike, është krimi më i dënueshëm, më i shëmtuar.
Nuk thashë kurrë se ka ndodhur.
Duhet të kesh fytyrën tënde që të transformosh brenda dy minutave një deklaratë.
Nuk të them gjë më shumë se kaq.
Por të dish një gjë, nuk ka ndodhur në historinë 32-vjeçare të këtij parlamenti një akt i tillë.
Kanë ndodhur shumë akte, por të transformosh brenda minute deklaratën e tjetrit në të kundërt, e bën vetëm ti.
