Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Berisha: Të shtojmë popullsinë vit për vit, të rikthejmë besimin për ndërtimin e ëndrrës shqiptare
E.DPërditësimi i fundit 19 Shkurt 2025, 19:06
TIRANË- Kreu i Partisë Demokratike, Sali Berisha duke folur gjatë prezantimit të programit të PD-së për mbrojtjen e familjes dhe ndalimin e shpopullimit tha se objektivi i qeverisë së PD-së, do jetë shtimi i popullsisë çdo vit. Lideri i opozitës gjithashtu u shpreh se realizimi i qëllimit kërkon një politikë demografike shumë serioze, e cila duhet të synojë shtimin e popullatës në këtë vend, nga viti në vit.
"Kjo nuk mjafton, që ne të realizojmë qëllimin tonë, por kjo është emergjencë. Realizimi i qëllimit tonë kërkon një politikë demografike shumë serioze, e cila duhet të synojë shtimin e popullatës në këtë vend, nga viti në vit. Në rrafshin moral kjo ndodh kur ti e bën Shqipërinë një vend plot shpresë, besim. Një vend ku të rinjtë e të rejat besojnë të ndërtojnë ëndrrën e tyre, ëndrrën shqiptare.
Pra ti rikthen ëndrrën shqiptare, për të ndërtuar Shqipërinë. Natyrisht edhe në këtë rast, është familja ajo që ka peshën më të madhe në këtë mision. Ndaj dhe ajo do të asistohet nga qeveria për fëmijën e parë, pagesë të përmuajshme për fëmijën e dytë dhe fëmija i tretë nga lindja deri në moshën 23 vjeçare do të merret përsipër tërësisht nga shteti," tha Berisha.
