Shqipëria ka arritur rekord për punësimin e shtetasve të huaj që arrijnë mbi 22 mijë shtetas deri në qershor 2026 nga 18...
POLITIKE
Braçe: Metalurgu po kthehet në kamarier, bujku në sanitar
PiranjatPërditësimi i fundit 13 Tetor 2025, 19:44
Deputeti i Partisë Socialiste Erjon Braçe thotë se Shqipëria nuk prodhon më dhe se i vetmi sektor siç është bujqësia po bie nga viti në vit.
Gjatë fjalës së tij në komisionin parlamentar të Ligjeve, Braçe shprehet se industria dhe bujqësia janë dy sektorët që punësojnë me shumë.
Fjala e Plotë e Erion Braçes
“Ekzistojnë sepse themi se Bankës së Shqipërisë i kanë ngelur edhe dy tre muaj. Shqetësimet që kam lidhen drejtpërdrejt me disa problematika që u mundova ti përmend edhe në deklaratën e tij. Së pari mbi të gjitha lidhet me ekonominë dhe prodhimin neto.
Është një problem që vjen nga viti 2024, por është materializuar edhe në 2025. Rënia e prodhimit industrial dhe bujqësor dy nga degët më të rëndësishme të vendit. Kanë pasur një impakt në rënien e eksportit. Veçanërisht në këto dy fusha që kanë edhe një pjesë shumë të gjerë të punësimit.
Ky është një shqetësim i përsëritur. Por në qoftë se se një vit më herët kishim efektet të tërmeteve pandemi dhe luftë. Tani që jemi konsoliduar rënia në këto dy sektorë është shqetësuar. Rënia e prodhimit industrial e kombinuar në rritjen e fortë të turizmit. Kemi ndryshime strukturore të ekonomisë kombëtare.
Pyetja që kam dhe që materializon këtë ndryshim: A ju duket e drejtë që metalurg të kthehet në kamarier?, Ju duket e drejtë që një bujk të kthehet në sanitar? Unë mendoj që jo.
