Një profesor matematike në Universitetin e Patrës në Greqi ka vendosur një rregull të pazakontë për provimet e shtator...
POLITIKE
Braçe në Kuvend: Synimi i reformës ishte ndarja e drejtësisë nga politika
PiranjatPërditësimi i fundit 27 Tetor 2025, 21:37
Deputeti i PS Erion Braçe gjatë fjalës në Kuvend theksoi se politika duhet të heqë dorë njëherë e mirë nga ndërhyrjet në drejtësi. Braçe u shpreh se ishte absurd qëndrimi i deputetëve gjatë seancës së sotme, pasi nuk mund ta vendosën para përgjegjësisë kreun e SPAK, për zhvlerësimin e euros.
“Unë nuk kam parë seancë të tillë si kjo as në Itali, as në Francë ku është arrestuar presidenti, as në Gjermani, as në Austri ku u arrestua kryeministri. Ka një arsye pse në këto parlamente nuk ekziston një seancë e tillë për shkak të respektit ndaj drejtësisë. Nuk ndodh në asnjë parlament që një i pandehur dhe nën gjykim t’i kërkojë llogari prokurorit të tij, është shkelje e rëndë e etikës. Kam dëgjuar edhe sot këtu që e shënjojnë SPAK si arsye për disa fenomene që ndodhin në ekonomi, u kërkua llogari prokurorit për zhvlerësimin e euros, që prokurori të merret me kursin e këmbimit të lekut kjo nuk është detyrë e tij.
Kur bëmë reformën patëm parasysh që të ndajmë drejtësinë nga politika, prokurori i SPAK emërohet nga KLP dhe KLP nuk emërohet nga politika, por nga vet trupa e prokurorëve. Njëri thoshte unë dua të arrestohet filani dhe më pas kur arrestohet ai, thotë pse ai dhe jo ky tjetri.
SPAK ka detyrë të ushtrojë ndjekjen penale ndaj zyrtarëve të larë të shtetit dhe krimit të organizuar. Ajo që është bërë për krimin e organizuar meriton vlerësim”, tha deputeti.
