Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
Debati për gjyqtarët e Kushtetueses/ Këshilltari ligjor i PD-së: Nëse ngrenë kartonin për ndërprerjen e mandatit të Bejtjes, duhet shkojnë në burg
M.B.Përditësimi i fundit 16 Dhjetor 2024, 20:34
TIRANA- Këshilltari ligjor i grupit parlamentar të Partisë Demokratike Marash Logu tha sot se ka një interes të qartë që brenda vitit 2025, 3 anëtarë të Gjykatës Kushtetuese të zëvendësihen me gjyqtarë të rinj. I ftuar në emisionin "Task Force" në Syri Tv teksa flitej specifikisht për rastin e gjyqtares Sonila Bejtja, Logu u shpreh se nëse bëhet kjo, të gjithë ata anëtarë të Gjykatës Kuyshtetuese të cilët do të ngrenë dorën dhe kartonin për ndërprerjen e mandatit të gjyqtares Sonila Bejtja do të shkojnë në burg pasi kanë shkelur Kushtetutën dhe ligjin. Logu tha se nëse shkohet deri në ndërprerjen e mandatit të zonjës Bejtja, grupi parlamentar i Partisë Demokratike do ta kallëzojë menjëherë në SPAK.
"Ka një interes shumë të qartë që brenda vitit 2025 3 gjyqtarë të GJK të zëvendësohen me 3 po themi gjyqtarë të rinj. Në qoftëse e bëjnë këtë, secili prej atyre që ngre dorën ose kartonin për të përfunduar mandati i Sonila Bejtjas në vitin 2025 duhet të merret në përgjegjësi penale dhe të shkojë në burg për shpërdorim detyre", tha Logu ndër të tjera.
