Eduart Mullaj, 55 vjeç nga Delvina, rezulton të jetë personi i plagosur në orët e para të ditës së sotme në Pat...
POLITIKE
Deputeti i Bashës i qante hallet e tokave/ Balluku-drejtorit të saj: Prite me dashuri se e kemi patriot
PiranjatPërditësimi i fundit 5 Nëntor 2025, 15:19
Në dosjen voluminoze të SPAK për aferën e tunelit të Llogarasë, ku është marrë e pandehur zv.kryeministrja Belinda Balluku, dalin në dritë jo vetëm komunikimet e saj me vartësit në qeveri, por edhe me deputetë të afërt me Lulzim Bashën. Në një prej bisedave të përgjuara, Balluku përmend deputetin e Partisë Demokratike, Arbi Agalliu, i cili është pjesë e grupit të Lulzim Bashës, duke i kërkuar ish-drejtorit të ARRSH-së, Evis Berberit, që ta presë “me dashuri dhe respekt” pasi “është djalë qytetar”.
Nga përmbajtja e mesazheve të përfshira në dosjen e SPAK, duket se deputeti demokrat i është drejtuar Ballukut për të sqaruar “dy çështje tokash në Vlorë”, ndërsa komunikimi është zhvilluar përmes aplikacionit “Signal”, në janar dhe shkurt të vitit 2022.
Në vijim të bisedës, Berberi i përgjigjet ministres: “Patjetër. E kemi patriot.”, ndërsa Balluku i kthehet: “Por ne nuk kemi çfarë bëjmë, të marrë lejen e ndërtimit nga bashkia, atëherë shprehemi.” Pjesë nga dosja më poshtë tregojnë mënyrën se si u organizua takimi dhe komunikimi mes zv.kryeministres, vartësit të saj dhe deputetit demokrat:
Nga akti i ekspertimit nr.195, datë 26.09.2024, të aparatit celular “Blackberry”, model BBF10-6”, të sekuestruar shtetasit Evis Berberi, nga nxjerrja e të dhënave teknike kompjuterike që përmban ky aparat celular, kanë rezultuar komunikime midis shtetasit Evis Berberi dhe shtetasve Belinda Balluku dhe Arbi Agalliu, si më poshtë:
• Më datë 27.01.2022, në orën 18:50, shtetasja Belinda Balluku i dërgon shtetasit Evis Berberi mesazhin:
“Do të të marr për një takim Arber Agalliu, dep i PD që ka një dy pyetje për dy toka që ka në Vlorë, një tek bypass dhe një në hyrje të autostradës. Qëndrimi shumë i dashur, shumë i mirë se është djalë qytetar.”
Në orën 18:51, Evis Berberi i përgjigjet: “Patjetër. E kemi patriot.” Në orën 18:52, Belinda Balluku: “Por ne nuk kemi ça bëjmë, te marrim lejen e ndërtimit nga bashkia, atëherë shprehemi.” Në orën 18:52, Evis Berberi: “Ok. Ne japim mendim pasi ka marrë leje.”
• Më datë 31.01.2022, në orën 19:19, shtetasi Arbi Agalliu i dërgon shtetasit Evis Berberi mesazhin:
“Evisi si je? Arbi Agalliu jam! Shpresoj se je mirë. Belinda më dha nr. tënd. Kur të kesh mundësi doja të flisnim pak. Faleminderit.” Në orën 19:20, Evis Berberi: “Mirë, faleminderit. Kur të jemi në mbledhje më njofto.” Në orën 19:20, shtetasi Evis Berberi telefonon shtetasin Arbi Agalliu.
• Më datë 01.02.2022, në orën 08:35, shtetasi Arbi Agalliu i dërgon shtetasit Evis Berberi mesazhin:
“Mirëmëngjes! Unë për pak jam aty. Jam në trafik poshtë digës.” Në orën 08:35, Evis Berberi: “Pa prob.”
• Më datë 01.02.2022, në orën 09:19, shtetasi Evis Berberi i dërgon shtetases Belinda Balluku mesazhin: “Sa përcolla Agalliun.”/syri
