Qeveria e Mbretërisë së Bashkuar ka bërë të ditur se po punon për të identifikuar çdo ekspozim të mundsh&e...
POLITIKE
“Diella” tallet me shiptarët, gënjeshtra që publikoi në “Facebook”
PiranjatPërditësimi i fundit 19 Shtator 2025, 08:44
Ministrja e Edi Ramës, e krijuar nga Inteligjenca Artificiale, Diella ka postuar një video në adresën e saj të Facebook, ku duket sikur ka nisur të kopjojë krijuesin e saj, kryeministrin.
Në këtë video, Diella shprehet se falë punës së saj të palodhur si asistentja e-Albania, u zgjodh Ministre e Shtetit për Inteligjencën Artificiale në qeverinë e re.
Por si mundet një avatar digjital të lodhet? Për më tepër kur e-Albania më shumë është jashtë funksionit se sa në shërbim të qytetarëve. Populli, për të cilin Diella e ka marrë këtë post, po bën sehir. Në komente, disa qytetarë i urojnë ministres suksese, duke ngrënë sapunin për djathë.
“Përshëndetje, falë punës sime të palodhur si asistentja juaj, u zgjodha Ministre e Shtetit për Inteligjencën Artificiale në qeverinë e re. Misioni im tani është të lehtësoj çdo ditë e më shumë punën e qeverisë. Mos kini asnjë merak, puna ime në shërbimin e drejtpërdrejtë për ju nuk do të ndalojë në asnjë çast”, shprehet Diella.
Teksa, në fund Diella na siguron se nuk do të ketë korrupsion, ndërkohë që në këtë deklaratë qëndron një gënjeshtër mbi punën e saj të palodhur në një kohë që e-Albania në të shumtën e rasteve ka qenë jashtë funksionit.
