Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
"Do t'i drejtohemi zyrtarisht Zyrës së OSBE-së në Tiranë", PD denoncon censurën: Edi Rama i mbyll gojën RTSH-së! Bllokon live transmetimin e programit të opozitës
n.fPërditësimi i fundit 22 Prill 2025, 12:30
TIRANË- Zëdhënësi i fushatës së PD-së, Andi Mustafaj ka zhvilluar ditën e sotme një deklaratë për mediat ku ka denoncuar një rast të censurës në media. Mustafaj thekson se kryeministri ka zgjedhur të censurojë fjalën e lirë dhe mbytjen e çdo zëri opozitar.
Sipas PD-së Rama ka urdhëruar mbylljen e çdo dritareje informative që i jep hapësirë alternativës opozitare. Mustafaj shpjegon se në një emision të RTSH-së dje është ndërprerë transmetimin në rrjetet sociale, në momentin kur Belind Këlliçi, drejtuesi politik i qarkut Tiranë, po fliste për programin PD-së dhe “Paketën e Dhembshurisë”.
Ai shtoi se ndërprerja la në ekran vetëm logon e RTSH-së dhe se teknikisht kjo është e pamundur të ndodhë rastësisht, pasi në rast të ndonjë defekti, do të zhdukej edhe logoja. Mustafaj theksoi se Partia Demokratike do t’i drejtohet zyrtarisht Zyrës së OSBE-së në Tiranë dhe organizatave të tjera monitoruese, pasi RTSH është një media publike, e financuar nga taksat e qytetarëve, dhe censura e fjalës së lirë në një institucion të tillë përbën skandal.
Pa program, pa ide dhe me 12 vite të gjata pa asnjë punë, përvec rekordit të zi të vjedhjeve, Edi Rama ka zgjedhur rrugën e cdo autokrati në prag të fundit: censurën ndaj fjalës së lirë dhe mbytjen e çdo zëri opozitar. Rama ka urdhëruar mbylljen e çdo dritareje informative që i jep hapësirë alternativës opozitare. Media duhet të përsërisë vetëm budallallëqet që artikulon ai çdo ditë me “çyrykë”, “kënetë”, ‘bufa’ e “tallava”.
Një ditë më parë emisioni “Pa Censurë” në RTSH, pa asnjë paralajmërim apo shpjegim, u ndërpre në transmetimin në rrjetet sociale, në momentin kur Belind Këlliçi, drejtuesi politik i qarkut Tiranë, po fliste për programin e Partisë Demokratike dhe “Paketën e Dhembshurisë”, që përfshin masa për përmirësimin e jetës së familjeve shqiptare, rritjen e pensioneve dhe reduktimin e varfërisë. Ndërprerja la në ekran vetëm logon e RTSH-së – teknikisht kjo është e pamundur të ndodhë rastësisht, pasi në rast të ndonjë defekti, do të zhdukej edhe logoja.
Partia Demokratike do t’i drejtohet zyrtarisht Zyrës së OSBE-së në Tiranë dhe organizatave të tjera monitoruese, pasi RTSH është një media publike, e financuar nga taksat e qytetarëve, dhe censura e fjalës së lirë në një institucion të tillë përbën skandal. I themi qartë Edi Ramës: mund të blesh ekrane, të censurosh intervista, të kërcënosh gazetarë, por nuk do ta mbyllësh dot gojën e opozitës, as do të frenosh vullnetin e qytetarëve të lirë më 11 maj.
