Kreu i Partisë Demokratike, Sali Berisha, në një dalje për mediat pas mbledhjes së grupit parlamentar demokrat, ka sulmuar qeverin&eu...
POLITIKE
Dokumentet/ Artur Metani kundërshton Ramën, ILD nuk nis hetim disiplinor për Elsa Gjelin
PiranjatPërditësimi i fundit 19 Shtator 2025, 14:52
Metani sfidon Ramën: ILD nuk gjeti shkelje te prokurorja e Shkodrës, Elsa Gjeli Inspektori i Lartë i Drejtësisë, Artur Metani, nuk nisi hetim disiplinor ndaj prokurores së Shkodrës, Elsa Gjeli, duke e nxjerrë të pastër dhe korrekte nga ana proceduriale. Metani mbajti qëndrim ligjor dhe i drejtë, pavarësisht se u urdhërua publikisht nga kryeministri Edi Rama.
Në një shkresë dërguar Ministrisë së Drejtësisë më 17 shtator 2025, ILD njoftoi se e kishte arkivuar kërkesën për hetim disiplinor, pasi pas verifikimeve paraprake nuk u gjet asnjë element për ta justifikuar.
“Mëkati” i prokurores: Në kohën kur në zonën e Thethit policia kreu aksione ndaj bizneseve dhe strukturave akomoduese, ajo depozitoi kallëzim për një prej ndërtimeve prej druri në atë zonë. Pas shqyrtimit të dokumentacionit, prokurorja Elsa Gjeli nuk gjeti elementë të veprës penale dhe refuzoi të niste hetim për ndërtim pa leje.
Më 7 korrik, Rama doli publikisht dhe e akuzoi se kishte refuzuar regjistrimin e procedimit penal. Prokurorja reagoi duke i quajtur deklaratat e kryeministrit të paprecedenta, diskriminuese dhe ndërhyrje të drejtpërdrejtë në punën e saj, që e vendosnin në shënjestër profesionale. Ajo kërkoi nga Këshilli i Lartë i Prokurorisë të analizonte sjelljen e Ramës, duke i kujtuar edhe deklaratën e ambasadorit të BE-së se të gjithë duhet të ndalojnë presionin ndaj drejtësisë.
Vendimi i Metanit Pas kësaj përplasjeje, Metani doli kundër qëndrimit të Ramës, duke faktuar përmes dokumenteve se nuk ekzistonin elementë juridikë apo faktikë për të nisur hetim ndaj prokurores.
Por kush është Elsa Gjeli, prokurorja që u sulmua nga Rama?
Prokurorja e Shkodrës, Elsa Gjeli një vit më parë ka përfunduar Shkollën e Magjistraturës dhe është emëruar si magjistrate e re në kryeqendrën e veriut.
Pas tre vitesh si studente në Magjistraturë, nga 2021 deri ne 2024, Elsa Gjeli u emërua Prokurore në Prokurorinë e Shkodrës më datë 25 Korrik 2024.
Ajo e ka kaluar një vit tashmë në detyrën e rëndësishme, ku përfaqëson akuzën zyrtare të shtetit në gjykatë.
Gjeli ka marrë zyrtarisht detyrën nga Qeveria e Prokurorëve apo ndryshe Këshilli i Lartë i Prokurorisë, më 25 korrik 2024, me firmë të kryetares Mirela Bogdani dhe tetë anëtarëve.
Vlen të theksohet se në sistem, ndaj saj nuk rezulton të ketë ndonjë masë disiplinore apo vërejtje, duke pasqyruar një CV të pastër.
Megjithatë, Rama është mësuar që të gjithë të bëjnë çfarë ai thotë dhe ndaj e sulmoi Elsa Gjelin, me prokuroren që bëri detyrën e saj dhe kundërshtoi të jetë në “shërbim” të kryeministrit.
Ky është një rast i parë domethënës i mbrojtjes së pavarësisë së drejtësisë përballë presioneve të hapura nga qeveria./Piranjat/
