Drejtori i KLSH: Duam qartësi mbi komisionet e reja të ndërtuara nga Kuvendi, do t'i shërbejë efikasitetit të punës së përbashkët

arben shehu

TIRANË- Drejtori i Kontrollit të Lartë të Shtetit Arben Shehu tha gjatë fjalës së tij në takimin mes drejtuesve të Institucioneve të Pavarura dhe Kuvendit, se KLSH kërkon një komunikim më konkret me komisionet e reja.

Ai tha se një komunikim më konkret për të pasur një fokus sa më të qartë dhe një ekonomizim në veprimet dhe komunikimet e nevojshme. Sipas tij, kjo do ti shërbejnë efikasitetit të punës së përbashkët.

“Do doja që të shprehja vullnetin e KLSH për të pasur një lloj komunikimi në vazhdimësi të plotë me të gjitha institucionet në radhë të parë me kuvendin dhe me institucionet e tjera të pavarura. Të kishim një komunikim më konkret me komisionet dhe sidomos me komisionin e ri të ndërtuar nga Kuvendi për të pasur një fokus sa më të qartë dhe një ekonomizim në veprimet dhe komunikimet e nevojshme. Këto i shërbejnë efikasitetit të punës sonë të përbashkët. Ne do të jemi në dispozicion të plotë të këtyre veprimtarive nga komisionet, por do doja një dija një komunikim sa më konkret”, tha ai.

arben shehu klsh