Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Duhet këputur kërthiza e reciprocitetit nacionalist", Rama: Kosova të ngrijë pa afat dialogun bilateral me Serbinë!
r.llPërditësimi i fundit 20 Dhjetor 2024, 13:03
edi rama
PRISHTINË- Kryeministri Edi Rama tha gjatë fjalimit të tij se në këtë fazë vendimtare për rrugën e saj të integrimit europian dhe euroatlantik, Kosova duhet të ngrijë pa afat dialogun bilateral me Serbinë.
Rama tha se normalizimin e marrëdhënieve mes dy vendeve, Kosova duhet ta synojë përmes dialogut bilateral me BE-në. Kreu i qeverisë tha më tej se Kosova nuk duhet të presë se çfarë do të bëjë Serbia, që të ndërmarrë hapat e saj të radhës në rrugëtimin drejt BE-së dhe NATO-s.
"Lejomëni të ndaj këtu sot opinionin tim tanimë të konsoliduar në këtë rrugëtim ku ç’nuk kam parë dhe ç’nuk kam mësuar nga marrëdhëniet me miqtë e me aleatët e me jo dashamirësit tanë se në këtë fazë kaq vendimtare për rrugën e saj të integrimit europian dhe euroatlantik Kosova duhet ta ngrijë, ta ftofi siç thoni ju, pa afat dialogun bilateral me Serbinë, dhe normalizimin e marrëdhënieve me fqinjin verior duhet ta synojë përmes dialogut bilateral me BE-në duke e këputur kërthizën e reciprocitetit nacionalist me Serbinë dhe duke e lidhur kërthizën e reciprocitetit europianist me BE-në. E thënë ndryshe Kosova mund t’ia japë familjes europiane dhe Aleancës së Atlantikut të Veriut në një kohë të shkurtër provën e padiskutueshme vullnetit dhe përkatësisë së vet në gjirin e Europës së bashkuar dhe të NATO-s duke përmbushur uniliteralisht të gjitha kushtet e normalizimit me Serbinë, jo për hir të Serbisë, por për hir të martirëve dhe fëmijëve të vet dhe për hir të bashkimit tonë kombëtar në familjen e kombeve europiane me kryeqytet të përbashkët Brukselin. Nuk ka asnjë arsye që BE dhe SHBA të përpiqen të bindin Kosovën për qenien e saj organikisht të lidhur me BE dhe SHBA ashtu sikundër nuk ka arsye që Kosova të presë çfarë do bëjë Serbia për të bërë ajo pastaj hapat e saj drejt BE dhe NATO. Kosova e uli në gjunjë Serbinë 25 vjet më parë dhe sot 25 vjet më vonë duhet ta lejë në bisht Serbinë. E them këtë jo për t’i dhënë Kosovës në asnjë mënyrë një leksion, por një opinion vëllazëror dhe konstruktiv për mënyrën si mësimet e integrimit në njërin vend mund t’i vlejnë dhe vendit tjetër që të mos kemi pësime historike kur sot fatin tonë të përbashkët kombëtar e kemi që të gjithin në duart tona.", u shpreh Rama.
