Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
POLITIKE
Durrës/ Përfundon dënimin, Vangjush Dako lë sot qelinë e burgut. Qëndroi aty vetëm 6 ditë
PiranjatPërditësimi i fundit 26 Shtator 2025, 09:24
Ish-kryebashkiaku i Durrësit ka përfunduar dënimin dhe sot lë qelinë e burgut.
Dako, u dënua me 2 vite e tetë muaj burgim nga Gjykata e Apelit të Posaçëm, e cila e gjeti fajtor për akuzën e shpërdorimit të detyrës.
Megjithatë, ditën që u mor vendimi, Dako u paraqit në sptal dhe u shtrua në repartin e Sëmundjeve Infektive, për shkak të problemeve shëndetësore.
Pasi u trajtua në spital ai u transferua në burgun e Durrësit më 21 shtator 2025, pra para gjashtë ditësh, teksa sot ka përfunduar dënimin.
Dako u akuzua nga SPAK për shpërdorim detyre në dy episore, i pari lidhur me lidhur me miratimin e lejes së ndërtimit në favor të shoqërisë Fakle sh.p.k, ku ai dhe vartësit përpiluan dokumentet dy vjet pasi ndërtimi kishte përfunduar dhe banorët kishiin hyrë në apartamentet e tyre për të banuar.
Episodi i dytë lidhet me një procedurë prokurimi, për shërbim konsulence, sigurimin e një projekti të quajtur “Projektim zbatim për Promenadën Bregdetare dhe Plazhin publik nga Bërryli deri në Currila”. Prokuroria e Posaçme thotë se komisioni i ngritur me urdhër të Dakos, ka kryer gabim llogaritjen e fondit limit, gati 10 herë më shumë sesa vlera që duhet të llogaritej ne bazë të të vendimit të Këshillit të Ministrave.
Megjithatë, pavarësisht akuzave që rëndonin mbi të, Dako e mbylli shpejt dënimin e tij.
