Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"E patë si tha, e shpopulluan Gramshin nga 50 mijë e bën 60 mijë", Rama ironizon opozitën: Ca të thuash, të vjen sakëlldi!
n.fPërditësimi i fundit 5 Maj 2025, 13:17
DEVOLL- Kryeministri Edi Rama gjatë fjalës së tij nga Devolli ka ironizuar Devollin. Teksa po prezantonte arritjet e qeverisjes së tij Rama kujtoi deklaratat e opozitës. Ai u shpreh se kreu i PD-së, Sali Berisha të cilin e quajti baba bufi tha se qeveria ka shpopulluar Gramshin. Rama ironizoi opozitën teksa tha se qeveria e shpopulloi Gramshin i cili nga 50 mijë vbanorë u bë 60 mijë.
"Do ti bëjë baba bufi. E patë si tha, shiko ca i bën Gramshit, e shpopulluan nga 50 mijë e bënë 60 mijë. Kjo është e reja. Ca të thuash, të vjen edhe sakëlldi. Çdo pension nën 200 do ta kthejmë 200 euro," tha ai.
Rama më tej vijoi me prezantimin e prodhimit në vend teksa tha se të dhënat janë nga projeksione e ministrisë së Financave. Edhe gjatë prezantimit të të dhënave ai nuk nguroi të ironizonte opozitën teksa tha se kur Berisha ishte në pushtet thoshte se Shqipëria është e dyta pas Gjermanisë.
"Këto janë projeksione të ministrisë së Financave, të ekspertëve tanë edhe në bashkëpunim me ekspertët ndërkombëtare më të cilët ne punojmë. Këshilltari im i ekonomisë prej disa kohësh është krye-ekonomisti i Angela Merkelit për 10 vjet.
Ne nuk jemi në garë me Gjermaninë. Ju e dini kur…jo ky rrugaçi dytësor, por kur ai kryesori këtu bashkë me baba bufin në Tiranë ishin në garë me Gjermaninë, ky duke rrahuar njerëz ai duke gënjyer dynjanë dhe thoshin jemi të dytë pas Gjermanisë. Ne nuk kemi garë me Gjermaninë, por me rajonin ku kemi qenë vrima e fundit e kavallit," tha ai.
